आइतबार ०९, मङि्सर २०८१ ०१:४७
आइतबार ०९, मङि्सर २०८१ ०१:४७
गाैमुल खबर
नेपाली काँग्रेसका युवा नेता प्रकाश रावलले बडीमालिका नगरपालिकाको मेयरमा उम्मेदवारी दर्ता गराएका छन् । आगामी बैशाख ३० गते हुने स्थानीय तहको निर्वाचनका लागि नेता रावलले बडीमालिका नगरपालिकाको मेयरमा उम्मेदवारी दर्ता गराएका हुन् ।
नेता रावलले मंगलबार नेपाली काँग्रेसको विधान २०१७ को नवौं संसोधन २०७५ को परिच्छेद ८ को धारा ३२ को उपधारा को (क) बमोजिम स्थानीय तह २०७९ बैशाख ३० गतेको निर्वाचनका लागि नेपाली काँग्रेस पार्टीबाट बडीमालिका नगरपालिकाको मेयरमा उम्मेदवारी दर्ता गराएका हुन् ।
बडीमालका नगरपालिका वडा नं. ८ का वडा अध्यक्ष समेत रहेका नेता रावललाई बडीमालिका नगरपालिकाको मेयर बनाउनका लागि काँग्रेसकै नेता नरबहादुर ऐडी प्रस्तावक र गंगा रावल समर्थक रहेका छन् ।
०७४ को स्थानीय निर्वाचनमा देशभरमै काँग्रेस पार्टीबाट सवै भन्दा कान्छो जनप्रतिनिधिका रुपमा बडीमालिका ८ को वडा अध्यक्षमा विजयी भएका नेता रावल पछिल्लो समयमा युवा पुस्ता माझ लोकप्रिय नेताका रुपमा परिचित छन् ।
प्रतिक्रिया