आज पहिलो दिन वडा नं.४ र ५ का नागरिकलाई वितरण गरिएको साल्ट टे«डिङ कर्पाेरेश डिपो कार्यालय बाजुराका निमित्त कार्यालय प्रमुख चन्द्र बहादुर बुढाले बताएका छन् । 

उनका अनुसार घट्मुना विक्रि केन्द्रबाट दुई वडाका नागरिकलाई ८३ क्विन्टल नुन वितरण गरिएको हो । एक परिवारलाई २२ केजीका दरले वितरण गरिएको उनले बताए । नुन वितरणमा नागरिकताको फोटोकपी भने अनिवार्य लिने गरिएको छ ।

भोली बुधबार अर्थात पुष ११ गते वडा नं.३ र ६ का नागरिकलाई घटम्ना नुन विक्रि केन्द्रबाट वितरण गरिने छ । भने वडा नंं.१ र २ का नागरिकलाई पुष १२ गते सिम बजारमा वितरण गरिने निमित्त कार्यालय प्रमुख बुढाले बताएका छन् ।

आज गौमुल गाउँपालिका वडा नंं.५ का वडाध्यक्ष कलक बहादुर सिंहले औपचारिक रुपमा नुन वितरण कार्यको सुरु गर्नुभएको थियो । उनले स्थानीय सरकारले नागरिकलाई प्रत्येक वर्ष चामल, नुन पायक पर्ने स्थानबाट विक्रि वितरण गरिरहेको बताएका छन् । यो वर्ष घट्मुना नुन विक्रि केन्द्रबाट ३६१ क्विन्टल नुन वितरण गरिने भएको छ । गत वर्ष झण्डै ५ सय क्विन्टल नुन वितरण गरिएको थियो ।