आइतबार ०९, मङि्सर २०८१ ०२:१२
आइतबार ०९, मङि्सर २०८१ ०२:१२
गाैमुल खबर
बाजुरा : नेकपा एमाले गौमुल गाउँपालिका–४ को वडाध्यक्षमा अम्मर विक उम्मेदवार बनेका छन् । विक सर्वसम्मत वडाध्यक्षको उम्मेदवार बनेसँगै आज गौमुल गाउँपालिकाको केन्द्र घट्मुना स्थित निर्वाचन अधिकृतको कार्यालयमा वडाध्यक्षको उम्मेदवारी दर्ता गरेका छन् ।
नेकपा एमालेबाट वडा नं.४ को वडाध्यक्षमा विकलाई सर्वसम्मत उम्मेदवार बनाएका थिए । सामाजिक क्षेत्रमा राम्रो अनुभव भएका विकलाई जनताले नै वडाध्यक्षको उम्मेदवार बनाउनुपर्ने माग राखेका थिए ।
सामाजिक क्षेत्रमा विगत एक दशकदेखि अनुभव बटुलेका विकले यो पटक जनताको माग अनुसार वडाध्यक्षको टिकट लिएका हुन् । त्यस्तै वडा सदस्यमा गीता रोकाया, जना सार्की, मंगल धामी र तुसार सार्कीले टिकट पाएका छन् । वडाध्यक्ष अम्मर विक लगायत वडा सदस्य सहितले आजै उम्मेदवारी समेत दर्ता गरिसकेका छन् ।
प्रतिक्रिया