स्थानीय तहको चुनाव आउन अब २१ दिन बाँकी रहदाँ गौमुल गाउँपालिकामा एमालेमा प्रवेश गर्नेको लर्को लागेको छ ।

विगत लामो समयदेखि नेपाली काँग्रेसमा आस्थावान गौमुल गाउँपालिका २ मल्दुगुनका हरि बहादुर बुढा एमालेमा प्रवेश गरेका हुन् । विगत लामो समय देखि नेपाली कांग्रेसको क्रियाशील सदस्य सहित सक्रिय कार्यकर्ताको रुपमा रहेका बुढाले एमाले राजेका हुन् । 

गौमुल गाउँपालिकामा एमाले बाहेक अन्य कुनै पनि शक्तिको भविष्य नरहेको निष्कर्ष सहित एमालेमा प्रवेश गरेका हुन् ।  
नवप्रवेशीलाई नेकपा एमालेका उपसचिव हरि बहादुर रोकायाले पार्टीमा समाहित गरेका हुन् । नेपाली काँग्रेसको गौमुल गाउँपालिमा भविष्य शुन्यमा झरेको बताउँदै आफु सहित सिंगो परिवारले नेकपा एमाले रोजेको नवप्रवेशी हरि बहादुर बुढाले बताएका छन् ।

नवप्रवेशीलाई समाहित गदैं नेकपा एमालेका उपसचिव हरि बहादुर रोकायाले उचित सम्मान सहित व्यवस्थापन गर्ने बताएका छन् ।
 पार्टीको सिद्धान्त र विचार अनुसरण गरेर र आफुहरुको काम प्रति प्रभावित भएर आउने सबैलाई पार्टीले उचित मुल्याङ्गकन गर्ने बताएका छन् । पछिल्लो समय गौमुल गाउँपालिकामा एमाले रोज्नेहरु विस्तारै बढ्दै गएका छन् । यता कार्यकर्ताहरुले स्थानीय चुनावमा आफुहरु बहुमतका साथ जित्ने बताएका छन् ।