नेपाली काँग्रेसका नेता हिरेन्द्र बहादुर रोकाया विरुद्ध भ्रष्ट्राचार गरेको मुद्धा दायर भएको छ । गौमुल गाउँपालिकामा नेपाली काँग्रेसका तर्फबाट गाउँपालिकाको अध्यक्षको उम्मेदवारी दिनुभएका रोकायाका विरुद्ध भ्रष्ट्राचार गरेको मुद्धा दायर गरिएको छ ।

गौमुल गाउँपालिका–२ मा रहेको जनज्योति माविको विद्यालय व्यवस्थापन समितिको अध्यक्ष भएको समयमा विद्यालयको भौतिक संरचना निमार्ण गर्ने समयमा भ्रष्ट्राचार गरेको उजुरी गौमुल गाउँपालिका निर्वाचन अधिकृतको कार्यालयमा उजुरी परेको छ ।

विनियोजित रकमबाट सामाजिक लेखा परीक्षण प्रतिवेदन र निर्णयमा पनि असुल गर्ने भनेर निर्णय गरेको भएपनि हालसम्म असुल नभएको पाईएको छ । आर्थिक वर्ष ०६८÷०६९ देखि आर्थिक वर्ष ०७१÷७२ सम्म विभिन्न मितिमा रकम अनियमितता गरी भ्रष्ट्राचार गरेको मुद्धा दर्ता भएको निर्वाचन अधिकृत शान्ति बहादुर बस्नेतले बताएका छन् ।

नेपाली काँग्रेसका तर्फबाट गाउँपालिकाको अध्यक्षको उम्मेदवारी दिनुभएका रोकायाका विरुद्ध ५ लाख ८८ हजार ७ सय ४३ रुपियाँ बराबरका भ्रष्ट्राचार गरेको मुद्धा दर्ता निर्वाचन अधिकृतको कार्यालयमा परेको छ । विद्यालय व्यवस्थापन समितिको अध्यक्ष भएको समयमा विभिन्न समयमा बैंक चेक मार्फत रकम लिएको पाईएको छ ।

विद्यालयको भौतिक विकासका लागि आएको रकम विद्यालय अध्यक्ष भएकै बेला अवैध रुपमा कुम्ल्याएको श्रोतको दाबी रहेको छ । रकम हिनामिना गरी हालसम्म पनि कुनै किसिमको सुनुवाई नगरेका रोकायाले नेपाली काँग्रेसबाट गौमुल गाउँपालिकाको अध्यक्षको उम्मेदवारी दिनुभएको छ ।

निर्वाचन आयोगले उम्मेदवारी दिएका कुनै पनि राजनीतिक दलको नाममा कुनै किसिमको उजुरी परेमा स्वतः उम्मेदवारी खारेज हुन् सक्ने भनेको छ । गौमुल गाउँपालिका निर्वाचन अधिकृतको कार्यालयले २४ घण्टे अल्टिमेटम सहितको स्पष्टिकरण पेश गर्ने पत्र उम्मेदवार हिरेन्द्र रोकायालाई पठाईसकेको छ ।

उता नेपाली काँग्रेसका तर्फबाट गाउँपालिकाको अध्यक्षको उम्मेदवारी दिनुभएका हिरेन्द्र बहादुर रोकायाले यस बिषयमा आफुलाई स्पष्टिकरण पत्र निर्वाचन अधिकृतको कार्यालयबाट आएकाले बुधबार स्पष्टिकरण पेश गर्ने बताउनुभएको छ ।
यता निर्वाचन अधिकृत शान्ति बहादुर बस्नेतले उम्मेदवारलाई सफाइ दिने वा नदिने भन्ने कुरा कानुनले नै भन्ने बताउनुभएको छ ।

विद्यमान कानुन अनुसार उम्मेदवारी खारिज हुने वा नहुने आफै कानुन बोल्ने भएको छ । निर्वाचनको समयमै परेको उम्मेदवार विरुद्धको भ्रष्ट्राचार मुद्धा दर्तालाई महत्वका साथ हेरिएको छ । मुद्धाको बिषयमा बुधबार दिईने स्पष्टिकरणले उम्मेदवारी खारिज हुने वा नहुने स्पष्ट हुने भएको छ ।