शुक्रबार ०४, असोज २०८१ ०५:४३
शुक्रबार ०४, असोज २०८१ ०५:४३
गाैमुल खबर
बाजुरा : गौमुल गाउँपालिकामा नेकपा एमालेको तर्फबाट गाउँपालिकाको अध्यक्ष र उपाध्यक्षको उम्मेदवारी दर्ता गरिएको छ । नेकपा एमालेबाट गौमुल गाउँपालिकाको अध्यक्षमा हरि बहादुर रोकाया र उपाध्यक्षमा सीता थापाले उम्मेदवारी दर्ता गराएका हुन् ।
नेकपा एमालेका करिव १ हजार बढी नेता तथा कार्यकर्ता निर्वाचन अधिकृतको कार्यालय पुगेर उनीहरुले उम्मेदवारी दर्ता गराएका हुन् । गाउँपालिकाको अध्यक्षमा हरि बहादुर रोकायाले मोहन बहादुर रोकाया समर्थन र कर्ण बुढाको प्रस्तावमा उम्मेदवारी दर्ता गराएका हुन् ।
यस्तै गरी उपाध्यक्षमा सीता थापाले मोहन रोकायाको समर्थन र कर्ण बुढाकै प्रस्तावमा उम्मेदवारी दर्ता गराएको निर्वाचन अधिकृत शान्ति बहादुर बस्नेतले बताएका छन् ।
गौमुल गाउँपालिकामा २०७४ सालको स्थानीय तह निर्वाचनमा अध्यक्ष र उपाध्यक्ष दुवै पद नेकपा (एमाले) ले जितेको थियो । गौमुल गाउँपालिकाका ६ वटा वडा मध्ये १ वडा नेपाली काँग्रेसले जितेको थियो भने अन्य ५ वटा वडा नेकपा एमालेले जितेको थियो ।
प्रतिक्रिया