बाजुरा : गौमुल गाउँपालिकामा शैक्षिक गुणस्तर सुधारका लागि शिक्षकसंग अन्तक्रिया सञ्चालन गरेको छ । शिक्षा युवा तथा खेलकुद शाखाको आयोजनामा शैक्षिक गुणस्तर उकास्न र उपलब्धी वृद्धि गर्न आगामीक रणनीति, स्थानीय सरकार र शिक्षकहरुले खेल्नुपर्ने भूमिकाका बारेमा अन्तरक्रिया कार्यक्रम सञ्चालन गरिएको हो ।

सामुदायिक विद्यालयको शैक्षिक गुणस्तर कमजोर देखिएको भन्दै प्रत्येक वडाका वडाध्यक्ष र शिक्षकहरु छुट्टाछुट्टै बसेर आआफ्नो वडाका सामुदायिक विद्यालयको शैक्षिक गुणस्तर खस्किनुको कारण, समस्या, सुधार गनुपर्ने पक्ष र समाधानका उपायसहित लिखित रिपोर्टिङ्ग गरेका थिए ।

प्रत्येक वडाका वडाध्यक्ष र शिक्षकले तयार पारेको रिपोर्टिङ्गमा शिक्षक दरबन्दीको कमी, परम्परागत शिक्षणशैली, शिक्षको पूर्व तयारी तथा चिन्तन्शील नहुनु, दक्षिताको कमी, पाठ्यकक्रम अध्ययनको कमी, तालिमको प्रभावकारी कार्यान्वयन नहुनु, शिक्षकबीच समन्वय सहकार्य र सहजीकरण नहुनु, अभिभावकले विद्यार्थीलाई आवश्यक शैक्षिक सामाग्री व्यव्सथापन नगरिदिनु, स्वास्थ्य सरसफाई, पोशाक र नियमित हेरचाह नगर्नु, अभिभावकमा शिक्षाको कमीले गर्दा शैक्षिक गुणस्तर सुधार नभएको बताईएको छ ।

गौमुल गाउँपालिकामा १ देखि ३ कक्षासम्म  शैक्षिक गुणस्तर ८१ प्रतिशत कमजोर रहेको दिवा खाजा अन्र्तगत विश्य खाद्य कार्यक्रमले तयार पारेको तथ्याङ्कले देखाएको छ । शिक्षण शिकाई उपलब्धी शुन्य स्थानबाट नै नभएको देखिएको छ । कक्षा–१ देखि नै शिक्षण सिकाई अभिवृद्धि हुँदै जानुपर्ने भएपनि तर तल्लो तहमै कमजोरी भएको २०८० को तथ्याङ्कले देखाएको छ ।

छलफलमा शिक्षकहरुले गुणस्तर सुधारका लागि विद्यार्थीको नियमित दर बढाउने, योजनावद्ध पठनपाठनमा जोड दिने, बालमैत्री कक्षा कोठा, अनुगमनमा जोड, शिक्षकबीच समन्वय, तालिमको कार्यान्वय, मुल्याङ्कन, शैक्षिक सामाग्रीको निर्माण तथा प्रयोग र पाठ्ययोजनाको पूर्व तयारीे हुनुपर्ने जोड दिएका छन् ।

कार्यक्रममा गौमुल गाउँपालिकाका अध्यक्ष हरीबहादुर रोकायाले शैक्षिक गुणस्तर सुधार गर्न शिक्षक र अभिभावक जिम्मेवार हुनुपर्ने बताएका छन् । स्थानीय सरकारले शिक्षा क्षेत्रको आमुल परिवर्तन ल्याउन विभिन्न उपलब्धीमुलक क्रियाकलाप सञ्चालन गर्दै आईरहेको बताए । 

सबै विद्यालयका भौतिक संरचना निर्माण गरिसककेको बताउँदै बाकी भौतिक संरचनाको स्तरन्नति र आवश्यक स्रोत साधन सहयोग गर्न स्थानीय सरकारले कुनै कसर बाकी नराखेको र नराख्ने अध्यक्ष रोकायाले बताएका छन् । अब आफूहरुको लक्ष्य भनेकै  शिक्षाको गुणस्तर सुधार गर्नु रहेकाले तत्लो तहबाटै सुधार गर्ने योजना सहीतको नीति गाउँपालिकाले लिने बताएका छन् ।

तल्लो स्थानबाटै शिक्षण शिकाई कमजोर रहेकाले उच्च शिक्षा हासिल गर्न शुन्य तहदेखि नै लाग्नुपर्ने बाउँदै अब अल्पकालीन, मध्यकालीन र दिर्घकालीन रणनीति तायरी पारी अगाडी बढ्ने अध्यक्ष रोकायाले बताएका छन् । 

गुणस्तर सुधारका लागि बाकी रहेको भौतिक संरचना निमार्ण गर्ने, बाह्य वातावरण सिर्जना गर्ने, विषयगत शिक्षकको व्यवस्थापन गर्ने, विद्यालयमा ईन्टरनेट जडानदेखि स्मार्ट बोर्डको व्यवस्थापन मिलाउने र आवश्यक शैक्षणिक सामग्रीको स्थानीय सरकारले व्यवस्थापन मिलाउने र बेशबाटै सुधार्ने रणनीति गाउँपालिकाले लिने उनले बताए ।

शैक्षिक क्षेत्रको गुण्स्तरका लागि शिक्षकले आफ्नो विद्यार्थीको नतिजा सहीत अध्ययन मुल्याङ्कन शिक्षकले नै गनुपर्ने, विद्यालयमा विद्यार्थीलाई आकर्षण बढाउने वातावरण गनुपर्ने, पूर्व तयारीका साथ पठपाठनमा संलग्न हुनुपर्ने बताउँदै कक्षा १,२ र ३ मा विशेष ध्यान दिनुपर्ने र तालिम लिएका शिक्षकहरुले प्रभावकारी कार्यान्वयन गनुपर्ने अध्यक्ष रोकायाले बताएका छन् ।

अन्तरक्रियामा आगमीक योजना समेत तयारी पारिएको थियो । गौमुल गाउँपालिका अध्यक्ष हरीबहादुर रोकायाको अध्यक्षतामा सञ्चालन भएको कार्यक्रममा उपाध्यक्ष सीता थापा, प्रमुख प्रशासकीय अधिकृत जगदिश प्रसाद भट्ट, ६ वटै वडाका वडाध्यक्ष, विश्व खाद्य कार्यक्रमका निराजन चौधरी, सबै विद्यालयका प्रअ तथा शिक्षक, गाउँपालिकामा लागु गैरसरकारी संस्थाका प्रमुख एवं प्रतिनिनिधीको उपस्थिति रहेको थियो ।