बुधबार १७, भदौ २०८३ ११:१९
बुधबार १७, भदौ २०८३ ११:१९
गाैमुल खबर
बाजुरा ःगौमुल गाउँपालिका-४ मा रहेको कौडाकोट खानेपानी पहिरोले बगाएपछि स्थानीयबासी खानेपानीको समस्यामा परेका छन् ।
अविरल वर्षासँगै खानेपानी आयोजनाको तल र माथिबाट पहिरो खस्दा खानेपानीको संरचना पूर्ण रुपमा क्षतिग्रस्त भई सेवा अवरुद्ध भएको वडा सदस्य मंगल धामीले जानकारी दिएका छन् ।
खानेपानी अवरुद्ध भएपछि करिब ५० घरपरिवार प्रत्यक्ष रुपमा प्रभावित भएका छन् । लामो समयदेखि प्रयोग हुँदै आएको खानेपानी पहिरोले बगाएपछि स्थानीयलाई दैनिक उपभोगका लागि आवश्यक पानीको जोहो गर्न समस्या भएको छ ।
लगातारको वर्षाका कारण पहिरो खस्ने क्रम नरोकिएकाले खानेपानीको क्षति थप बढ्न सक्ने स्थानीयले बताएका छन् । तत्काल वैकल्पिक खानेपानीको व्यवस्था तथा क्षतिग्रस्त संरचनाको मर्मत गर्नुपर्ने अवस्था देखिएको छ ।
वर्षायाममा पहिरोका कारण खानेपानीका मुहान तथा संरचना क्षतिग्रस्त हुँदा ग्रामीण क्षेत्रमा सर्वसाधारणको दैनिक जनजीवन समेत प्रभावित हुँदै आएको छ । कौडाकोट खानेपानीको तत्काल पुनःस्थापना नहुँदा प्रभावित ५० घरपरिवारलाई थप समस्या हुने देखिएको छ।
प्रतिक्रिया