बुधबार ०३, असार २०८३ ०३:४८
बुधबार ०३, असार २०८३ ०३:४८
गाैमुल खबर
बाजुरा ः बाजुराको गौमुल गाउँपालिका-६ सटेडामा आएको भीषण हावाहुरीले ठूलो क्षति पुर्याएको छ । सोमबार बेलुका वर्षासहित आएको हावाहुरीका कारण स्थानीय चन्द्रबहादुर रोकाया र लालबहादुर रोकायाका घर पूर्ण रुपमा क्षतिग्रस्त भएका हुन् ।
हावाहुरीले घरको छाना उडाउनुका साथै भित्र रहेका सामग्री समेत नष्ट भएको स्थानीय विशाल रोकायाले बताएका छन् । अचानक आएको प्राकृतिक विपद्का कारण पीडित परिवार खुला आकाशमुनि बस्न बाध्य भएका छन् ।
घटनापछि गाउँपालिकाले तत्काल राहत तथा पुनःस्थापनाको पहल थालेको छ । गौमुल गाउँपालिकाले पीडित परिवारको अस्थायी बसोबास व्यवस्थापनका लागि तत्काल जस्तापाता उपलब्ध गराउने तयारी गरेको छ ।
स्थानीयबासीले हावाहुरीबाट भएको क्षतिको उचित राहत तथा दीर्घकालीन पुनःनिर्माणको व्यवस्था गर्न सम्बन्धित निकायसँग माग गरेका छन् ।
प्रतिक्रिया