आइतबार १५, चैत २०८२ ०७:२६
आइतबार १५, चैत २०८२ ०७:२६
गाैमुल खबर
बाजुरा ःबाजुराको गौमुल गाउँपालिकामा रुखबाट लडेर एक जना गम्भीर घाइते भएका छन् । घाइते हुनेमा गाउँपालिका-१ स्थित विकट गाउँ अन्द्राडीका अन्दाजी ४२ वर्षीय बहादुर रोकाया रहेका छन् ।
वडा अध्यक्ष देवेन्द्रबहादुर रोकायाका अनुसार भेडाका लागि घाँस काट्ने क्रममा रुखमा चढेका रोकाया चिप्लिएर तल खसेका हुन् ।
घटनापछि स्थानीयले उनको उद्धार गरी उपचारका लागि जिल्ला अस्पतालतर्फ ल्याउँदै गरेका छन् । आफन्तका अनुसार रुखबाट लड्दा रोकायाको एउटा खुट्टा भाँचिएको छ र उनको अवस्था गम्भीर रहेको छ ।
गौमुल गाउँपालिकामा वर्षेनी भीर तथा रुखबाट लडेर घाइते हुने र ज्यान गुमाउने घटनाहरू बढ्दै गएको तथ्याङ्कले देखाउँछ ।
पशुपालन मुख्य पेशा भएकाले स्थानीय बासिन्दा घाँस-दाउराको जोहो गर्न जोखिमपूर्ण स्थानमा जान बाध्य हुँदा यस्ता दुःखद घटनाहरू दोहोरिन थालेका छन् ।
प्रतिक्रिया