सोमबार १५, मङि्सर २०८२ ०४:५८
सोमबार १५, मङि्सर २०८२ ०४:५८
गाैमुल खबर
बैतडी : बैतडीमा पाँच थान भरुवा बन्दुक बरामद गरिएको छ। जिल्लाको पाटन नगरपालिका-५ को उपल्ला बटुलाका नागी लुहारको घरबाट पाँच थान भरुवा बन्दुक नियन्त्रणमा लिइएको हो।
बिहीबार दिउँसो २ बजेको समयमा सशस्त्र प्रहरी बलको सादा पोसाकको टोली र इलाका प्रहरी कार्यालय पाटनबाट खटिएको प्रहरीको संयुक्त टोलीले पाँच थान भरुवा बन्दुक नियन्त्रणमा लिएको जिल्ला प्रहरी कार्यालय बैतडीका प्रवक्ता, प्रहरी निरीक्षक बलदेव बडूले जानकारी दिए।
लुहारले भरुवा बन्दुक बनाउने गरेको गोप्य सूचनाका आधारमा प्रहरी टोली उनको घरमा पुगेको र सो परिमाणको बन्दुक नियन्त्रणमा लिएको प्रहरी निरीक्षक बडूले बताए।
बन्दुक बनाउने गरेको भनिएका नागी लुहार घरमा नभेटिएको र उनको खोजी भइरहेको उनले बताए। बरामद गरिएका बन्दुक इलाका प्रहरी कार्यालय पाटनमा ल्याइएको र थप अनुसन्धान भइरहेको प्रहरीले जनाएको छ।
प्रतिक्रिया