बाजुरा : गौमुल गाउँपालिकामा स्वास्थ्य सुधार समितिको समीक्षा तथा छलफल भएको छ । गाउँपालिकाको समन्वय नर्बेजियन सरकार र संयुक्त राष्ट्र संघीय जनसंख्या कोष युएनएफपीएको आर्थिक सहयोग तथा पीसविन नेपालद्धारा सञ्चालित (UNFPA 9th country programme) कार्यक्रम अन्र्तगत गाउँपालिकामा गुणस्तर सुधार समितिको समीक्षा भएको हो ।

कार्यक्रममा २०२४/०२५ को स्वास्थ्य स्तरमा गाउँपालिका भित्रका स्वास्थ्य संस्थाहरुमा भएको प्रगतिको समीक्षा गरिएको हो । नागरिकलाई गुणस्तरीय स्वास्थ्य सेवा प्रदान गर्न स्थापना गरिएको गुणस्तर समितिको छलफलमा स्वास्थ्य सेवालाई थप प्रभावकारी बनाउँन सक्रिय रुपमा लाग्ने निष्कर्ष निकालिएको छ । 

स्वास्थ्य क्षेत्रमा जिल्लाकै पहिलो पालिकाको रुपमा पहिचान बनाउँन सफल भएको गौमुलमा आगमी दिनमा स्वास्थ्य क्षेत्रलाई थप अगाडी बढाउँदै लैजानका लागि छलफल गरिएको पीसविन स्वास्थ्य अधिकृत निर्मला कुमारी खडायतले बताएकी छन् ।

कार्यक्रममा स्वास्थ्य संस्थाको गुणस्तर सुधारका लागि न्युनतम सेवा मापदण्डको कार्यान्वयको नतिजा र पहिचान भएका कार्ययोजनाहरु प्रस्तुत गरिएका थिए । थप कार्ययोजना पूरा गर्न गुणस्तर सुधार समितिले मंसिर मसान्तसम्म अनुगमन गर्ने निर्णय गरिएको पीसविन नेपालका स्वास्थ्य परिबेक्षक कुशल बहादुर कार्की बताएका छन् ।

त्यस्तै कार्यक्रममा स्वास्थ्य क्षेत्रबाट दिईने सेवा सुविधालाई थप प्रभावकारी बनाउँदै लैजाने र गाउँपालिकाको पालिका स्तरबाट ४ जना नर्सिङ्ग स्वास्थ्यकर्मीको क्षमता विकासका लागि एस.बीए. तालिम प्रदान गर्न सम्बन्धित निकायसंग आवश्यक पहल भईरहेको उपाध्यक्ष सीता थापाले बताएकी छन् ।

उनका अनुसार गाउँपालिकाका सबै नागरिकहरुलाई भरपर्दो र थप गुणस्तरीय सेवा उपलब्ध गराउँन आफूहरु दृढ रुपमा लागि रहेका बताउँदै संस्थाहरुसंग समन्वय, सहकार्य र सहजीकरणका साथ अगाडी बढ्ने प्रतिवद्धता व्यक्त गरेकी छन् । समिक्षामा आवश्यक स्वास्थ्य उपकरण र औषधी उपलब्धताका विषयमा पनि छलफल गरिएको थियो । 

समिक्षामा गाउँपालिका भित्रका स्वास्थ्य संस्थाहरुमा विरामीको सेवा प्रवाहका लागि कर्मचारी प्रायप्त व्यवस्थापन, २४ सै घण्टा सेवा उपलब्ध, सुत्केरी प्रोत्साहन रकम समयमै उपलब्ध, सन्देशमुलक सूचना समाग्री नागरिकको पहुँचमा राखिएका, प्रायप्त बेडको व्यवस्थापन, गाउँ स्तरमै स्वास्थ्य परामर्श दिने गरिएका जस्ता थुप्रै सवल पक्षहरु गरिएको पीसविन स्वास्थ्य अधिकृत खडायतले बताएकी छन् । 

गौमुल गाउँपालिका उपाध्यक्ष सीता थापाको अध्यक्षतामा सञ्चालन भएको समीक्षामा वडा नं.५ का वडाध्यक्ष कलक सिंह, २ का वडाध्यक्ष, देव बहादुर रोकाया, १ का वडाध्यक्ष देबेन्द्र बहादुर रोकाया, ४ का वडाध्यक्ष अमर विक, ३ का वडाध्यक्ष गोरख बहादुर बोहरा, ६ का वडाध्यक्ष प्रकाश बहादुर रोकाया, स्वास्थ्य शाखा प्रमुख हरिशचन्द्र विक, सी अनमी रमा थापा, युवा तथा खेलकुद शाखाका भरत थापा लागयतको उपस्थित रहेको थियो ।