बाजुरा ःगौमुल गाउँपालिकामा रहेको गौमुल विकास समाजको वार्षिक साधारण सभा तथा लेखा परीक्षण कार्यक्रम सम्पन्न भएको छ । आर्थिक वर्ष २९८१-०८२ को आर्थिक आयव्यय सहित हालसम्म गरेको विभिन्न गतिविधि सार्वजनिक गरेको हो । २०८२ वैशाख २८ गते जिल्ला प्रशासन कार्यालयमा दर्ता भई गौमुल विकास समाजले आफ्नो नियमित कार्य अगाडी बढाएको थियो ।

महिलालाई सशक्तिकरण गर्ने उद्देश्य सहीत स्थापन गरिएको उक्त संस्थाले महिलाको नेतृत्व विकासमा ठुलो भूमिका खेल्दै आएको छ । गौमुल गाउँपालिकाको सभाहलमा सञ्चालन भएको प्रथम साधारण सभा तथा सामाजिक लेखा परिक्षणको वार्षिक प्रगति प्रतिवेदन संस्थाका सचिव सरिता रोकायाले प्रस्तुत गर्नुभएको थियो ।

प्रगति प्रतिवेदन सार्वजनिक गर्दै सचिव सरिता रोकायाले वडास्तरीय ६ वटा मुल समिति र ५० वटा सामुदायिक समूह आबद्ध सहित महिला पुरुष गरी १५ सय २९ जना सदस्यहरु रहेको बताएकी छन् । गौमुल विकास समाजमा आबद्ध सामुदायिक समूहरुको बचत ३० लाख ५० हजार ४ सय ३५ रुपैयाँ रहेको छ ।

भने ६ वटा मूल समितिको बचत कोषमा ५ लाख ६ हजार ८ सय रुपैयाँ रहेको रोकायाले बताएकी छन् । गौमुल विकास समाजको गतिविधि सार्वजनिक गर्दैै नीतिगत सुधार, सामुदायिक विकास अभियानहरुको सञ्चालन, आयआर्जन र जिविको पार्जन सुधारका क्रियाकलाप, महिला नेतृत्व विकास लगायतका क्षेत्रमा उल्लेख्य काम गरेको बताईएको छ ।

आर्थिक वर्ष २०८१-०८२ को आर्थिक गतिविधि गौमुल विकास समाजका कोषाध्यक्ष प्रतिक्षा कुमारी रोकाया थापाले प्रस्तुत गरेकी हुन् । उनले आयतर्फ १५ हजार ८ सय भई रकम खर्च भएको बताएकी छन् । गौमुल विकास समाजका अध्यक्ष सुशीला कुमारी बोहराको अध्यक्षतामा सञ्चालन भएको कार्यक्रमको प्रमुख अतिथि गौमुल गाउँपालिका उपाध्यक्ष सीता थापा रहनुभएको थियो ।

भने विशिष्ट अतिथिमा ५ नम्बर वडाअध्यक्ष कलक बहादुर सिंह, ३ नम्बर वडाअध्यक्ष गोरख बोहरा, ४ नम्बर वडाअध्यक्ष अमर विक, ६ नम्बर वडाका कार्यबाहक वडाअध्यक्ष कलक चदाँरा, निमित्त प्रमुख प्रशासकीय अधिकृत राम नाथ, रेडियो गौमुलका स्टेशन प्रबन्धक रमित विक लगायत रहनु भएको थियो ।

कार्यक्रममा सहकर्मी समाज कार्यक्रम संयोजक घनश्याम आचार्य, कार्यक्रम संयोजक चम्फासिंह भण्डारी, सुजाता घर्ती मगर, कर्मचारीको पनि उपस्थित रहेको थियो । संस्थाका सचिव सरिता रोकायाले सञ्चालन गरेको कार्यक्रममा विभिन्न समूहमा आबद्ध समितिहरुको बोक्लो सहभागिता रहेको थियो ।