शनिबार १४, भदौ २०८२ ०६:५०
शनिबार १४, भदौ २०८२ ०६:५०
गाैमुल खबर
बाजुरा ः गौमुल गाउँपालिका-६ सटेडामा वर्षाका कारण एक घर भत्केर पूर्णरुपमा क्षतिग्रस्त बनेको छ । अविरल वर्षाका कारण घर पूर्णरुपमा भत्किएर परिवार विस्थापित भएको छ ।
भूकम्पले चर्किएको घर शनिबार बिहान वर्षाका कारण पूर्णरुपमा भत्किएको हो । वर्षाको पानीले स्थानीय गैरीबाडा टोलका सुशील चदाँराको घर भत्किएको हो ।
तीनतले कच्ची घर भत्किएपछि छिमेकीको घरमा परिवार आश्रय लिएर बसेको चदाँराले गौमुल खबर डटकमसंग बताएका छन् । आर्थिक अवस्था न्यून रहेको चदाँराको परिवार विस्थापित भएको हो ।
यता वडा अध्यक्ष प्रकाश रोकायाले प्रहरी र वडा कार्यालयले स्थलगत अनुगमन गरी घटनाको विवरण अनुसार सहयोग गर्ने बताएका छन् ।
प्रतिक्रिया