आइतबार ०९, मङि्सर २०८१ ०२:१६
आइतबार ०९, मङि्सर २०८१ ०२:१६
बाजुरा : गौमुल गाउँपालिका–४ मा रहेको थारखोला लघुजलविद्युत आयोजना उपभोक्ता समितिको नहर भत्किदाँ विद्युत सेवा अवरुद्ध भएको छ ।
शनिबार राति आएको अविरल वर्षाका कारण नहर माथिबाट ठुलो पहिरो खसेपछि विद्युत सेवा बन्द भएको वडा अध्यक्ष अमर विकले बताए ।
नहर माथिबाट र तलबाट संगै पहिरो गएपछि विद्युत सेवा अवरुद्ध भएको हो । करिव २५ किलोवाट क्षमता रहेको थारखोला लघुजलविद्युत आयोजना उपभोक्ता समितिको नहर भत्किएको हो ।
नहर भत्किएपछि गौमुल गाउँपालिका–४ र ५ नम्बर वडाका स्थानीय अन्धकारमा बस्न बाध्य भएका छन् । भिरालो जमिन माथिबाट आएको पहिरो पन्छ्याउन धेरै समय लाग्ने देखिएको छ ।
नहर मर्मत गर्नका लागि गौमुल गाउँपालिका लगायत अन्य दातृ निकायसंग तत्काल पहल गरिने वडा अध्यक्ष अमर विकले बताए ।
विद्युत सेवा बन्द हुदाँ दुई वटै वडा कार्यालयबाट नागरिकलाई प्रदान गरिने सेवा सुविधा लगायत वडामा रहेका विद्यालय तथा अन्य उद्योग धन्दा समेत प्रभावित बनेका छन् ।
प्रतिक्रिया