बुधबार २३, माघ २०८१ ०८:२९
बुधबार २३, माघ २०८१ ०८:२९
गाैमुल खबर
बाजुरा ः गौमुल गाउँपालिका–५ कोटमा एक बालिका भीरबाट लडेर गम्भीर घाइते भएकी छन् । स्थानीय रन रोकायाकी १६ वर्षीया छोरी विष्णुमाया रोकाया कैलाश आधारभूत विद्यालय नजिकैको भीरबाट शनिबार बिहान ८ बजेतिर लडेकी हुन् ।
करिब १ सय ५० मिटर तल धानखोला भन्ने ठाउँमा रोकाया लडेकी हुन् । मानाकोट मावि कक्षा–७ मा अध्ययन रहेकी बालिका दाउँरा लिन जंगल जाने क्रममा चिप्लिएर भीरबाट खसेको स्थानीय सर्मिला बुढाले बताएकी छन् ।
वडामा रहेको नक्राडा आधारभूत अस्पतालमा उपचार सम्भव नभएपछि गाउँपालिकाको केन्द्रमा रहेको घट्मुना आधारभूत अस्पतालमा आफन्तले ल्याएका थिए ।
केही उपचार गरिएको भएपनि टाउँकोमा गम्भीर चोट लागेको, कान, नाकबाट रगत बगिरहेको र निरन्तर वान्ता भएका कारण थप सीटी स्क्यानका लागि धनगढी रिफर गरिएको डाक्टर कुश नेपाली बताएका छन् ।
आफुहरुले औषधी उपचार गरेको तर उपचार सम्भव नभएका कारण तत्काल रिफर गरिएको डाक्टर नेपालीको भनाई रहेको छ ।
यता बालिकाका आफन्तको आर्थिक अवस्था कमजोर भएका कारण उपचारमा लिन समस्या भईरहेको छ ।
प्रतिक्रिया