शनिबार ०८, मङि्सर २०८१ ०८:४६
शनिबार ०८, मङि्सर २०८१ ०८:४६
गाैमुल खबर
बाजुरा : तीन लाख धनराशीको छेडेदह गोल्ड कप जारी रहेको छ । लगातार छैटौं पटक आयोजना गर्दै आएको छेडेदह स्पोर्ट्स क्लबले यो पटकबाट भने गोल्डकपको रुपमा आयोजना गरेको हो ।
शनिबारबाट सुरु भएको गोल्डकपको आईतबार दोस्रो दिन ५ टिमले सहभागीता जनाएका छन् । आईतबार भएका पहिलो चरणका खेलहरुमा केपी बा स्पोर्ट्स क्लव र बडीमालिका नगरपालिका–९ बीच प्रतिस्पर्धा भएको थियो ।
जसमा २–१ गोल अन्तरले केपी बा स्पोर्ट्स क्लवलाई पराजित गरी बडीमालिका–९ ले विजयी सुरुवात गरेको छ । त्यसपछि एनआईसी नडाङ्ग र बीवाईसी बजेडी बीच प्रतिस्पर्धामा गोल रहित बराबरी भएका छन् ।
सीवाईसी गौमुल गाउँपालिका र सीएससी सनाईबाडा छेडेदहबीच भएको खेल समेत गोल रहित बराबरीमा सकिएको हो ।
अर्को खेलमा आयोजक छेडेदह स्पोर्ट्स क्लव निलोलाई १ शुन्यले हराउदै बीवाईसी ताप्राले जित हात पारेको छेडेदह स्पोर्ट्स क्लवका सचिव लक्ष्मण ओलीले बताएका छन् ।
दोस्रो दिनको अन्तिम प्रतियोगीतामा कन्सर्न बाजुराले १ शुन्य गोल अन्तरले बडीमालिका–९ लाई पराजित गरेको छ । आज समूह चरणका खेलहरु भएका छन् । सोमबार समेत ५ टिमबीच प्रतिस्पर्धा हुने बताईएको छ ।
प्रतिक्रिया