बाजुरा : तीन लाख धनराशीको छेडेदह गोल्ड कप जारी रहेको छ । लगातार छैटौं पटक आयोजना गर्दै आएको छेडेदह स्पोर्ट्स क्लबले यो पटकबाट भने गोल्डकपको रुपमा आयोजना गरेको हो ।

शनिबारबाट सुरु भएको गोल्डकपको आईतबार दोस्रो दिन पनि प्रतियोगीता जारी रहेका छन् । आईतबार भएका पहिलो चरणका खेलहरुमा केपी बा स्पोर्ट्स क्लव र बडीमालिका नगरपालिका–९ बीच प्रतिस्पर्धा भएको थियो ।

जसमा २–१ गोल अन्तरले केपी बा स्पोर्ट्स क्लवलाई पराजित गरी बडीमिालका–९ ले विजयी सुरुवात गरेको छ । यो समाचार तयार पार्दासम्म आयोजक छेडेदह स्पोर्ट्स क्लव निलोलाई १ शुन्यले हराउदै बिवाईसी ताप्राले जित हात पारेको छ ।

अहिले खेलहरु जारी रहेका छन् ।  लगत्तै बिवाईसी बजेडी र सीएससी सनाईबाडाबीच प्रतिस्पर्धा हुने छेडेदह स्पोर्ट्स क्लवका सचिव लक्ष्मण ओलीले बताएका छन् । कार्तिक ३ देखि १० गतेसम्म हुने गोल्डकपको उद्घाटन सुदूरपश्चिम प्रदेश सभा सदस्य पदम बहादुर शाहीले गरेका हुन् ।

खप्तड छेडेदह गाउँपालिका र छेडेहद स्पोर्ट्स क्लवको सयुक्त सहकार्यमा गोल्ड कप आयोजना गरिएको हो । “खेल क्षेत्रको शान, छेडेदह गोल्डकप बाजुराको पहिचान” भन्ने नारा दिएर आयोजना गरिएको हो । गोल्डकप एन्फा रेफ्रीको टिमले खेलाउने भएको छ भने गोल नेपालबाट प्रत्यक्ष लाईभ प्रसारण भईरहेको छ ।