बिहीबार ०३, असोज २०८१ १०:३७
बिहीबार ०३, असोज २०८१ १०:३७
गाैमुल खबर
बाजुरा : गौमुल गाउँपालिका–६ बसालामा रहेको सिमधारा लघुजलविद्युत आयोजना उपभोक्ता समितिको नहर माथिबाट पहिरो बगेपछि सेवा अवरुद्ध भएको छ । भण्डारीबाडा गाउँ नजिकै नहरको माथिबाट पहिरो गएपछि विद्युत सेवा पुनः अनियमित भएको हो ।
विद्युतको नहर माथिको पहिरो पन्छ्याउनका लागि जनशक्ति आवश्यकपर्ने भएकोले सम्पूर्ण उपभोक्ताहरुले अनिवार्य उपस्थित हुन समितिले आग्रह गरेको छ । विद्युतको नहर माथिको पहिरो पन्छ्याउनका लागि जनशक्ति आवश्यकपर्ने भएका कारण सम्पूर्ण दाजुभाईले अनिवार्य उपस्थित हुन् भनिएको छ ।
पहिरोले थप क्षति गर्ने भएका कारण समयमै नहर मर्मतमा सरिक हुन सम्पूर्ण उपभोक्ताहरुलाई सूचना गरिएको छ । पहिरोलाई पन्छ्याउन करिव दुईदिन सयम लाग्न सक्ने अनुमान समेत गरिएको छ ।
पहिरो करिव १० मिटर बगेको छ । गौमुल गाउँपालिकाले देशको विकासकाे लागि दुईदिन कार्यक्रम अन्तरगत लिएको नीति अनुसार स्थानीय नहर मर्मत कार्यमा उपस्थित हुने भएका छन् ।
प्रतिक्रिया