बाजुरा : नेकपा एमाले केन्द्रीय सल्लाहकार परिषद सदस्य रंगमान शाही एमालेका पुराना नेता हुन् । बाजुरामा पार्टी स्थापनामा योगदान पुर्याएका शाहीले यो पटक अध्यक्षको आकांक्षा राखेका थिए । तर दुइ टिमको अन्तरसंघर्षको लडाइबाट शाही भने रेसबाट बाहिरिएका छन् ।

बाजुरामा एमाले नेताद्वय कर्णबहादुर थापा र लालबहादुर थापाबीच शक्ति संघर्ष चर्को छ । लालबहादुर थापाले लालबहादुर ओलीलाई अध्यक्षमा अघि सारेका छन, भने कर्ण बहादुर थापाले भरत थापालाई अध्यक्षको उम्मेदवार बनाएका छन् । कर्ण थापा टिममा उभिएका रंगमान शाहीलाई थापा स्वयमले धोका दिएका छन् ।

टिम व्यवस्थापनमा स्थायी कमिटी सदस्य कर्ण थापाले भरत थापालाई रोजेपछि रंगमान शाही रेसबाटै बाहिरिएका हुन् । सकेसर्वसम्मत अध्यक्ष बनाउने नसके अध्यक्ष लडाएर जिताउने विश्वास दिलाएपनि अन्तत कर्ण थापाबाट शाहीले धोका पाएका हुन् ।

रिङ आउट भएपछि शाहीको पछि लागेका कार्यकर्ता केन्द्रिय सदस्य लालबहादुर थापाको टिमसंग सहकार्य गर्ने गृह कार्यमा जुटेका छन् । कोल्टी क्षेत्रका चार पालिकामा केहि प्रभाव रहने कुरामा पनि रंगमानको रिङ आउटैसँगै त्यो अवस्थामा बदलाव आउने निश्चित जस्तै बनेको छ ।

कस्को उम्मेदवारी भन्ने विषय सहमति भइरहेकै बेला भरत थापाले आफै हुनु पर्ने अडान राखेको र कर्ण थापा स्वयमले भरतलाई नै जोड गरेपछि अध्यक्षको उम्मेदवारीबाट शाही बाहिरिएका हुन् । शाहीको राजनीतिक जीवनको अध्यक्ष बन्ने अन्तिम इच्छा कर्ण थापाकै कारण अधुरो रहेको छ ।