आइतबार ०९, मङि्सर २०८१ ०२:५३
आइतबार ०९, मङि्सर २०८१ ०२:५३
गाैमुल खबर
काठमाडौँ : काठमाडौँ महानगरपालिकाका मेयर बालेन्द्र शाह बालेनले मुलुकका कुनै पनि भूभागका भए पनि विपन्न नागरिकको निशुल्क उपचार गरिने बताउनुभएको छ ।
आफ्नो पालिकाबाट सिफारिस लिएर आउन उहाँले अनुरोध गर्नुभएको हो । आज एक सन्देश सामाजिक सञ्जालमार्पत सार्वजनिक गर्दै मेयर बालेनले लेख्नुभएको छ, " नेपालको जुनसुकै पालिकाको भए पनि अशक्त र गरिब नागरिक बिरामीहरूले आफ्नो पालिकाबाट विपन्न, असहायको सिफारिस लिएर काठमाडौँ महानगर आउनुहोला । हामीसँग ४३ अस्पतालका ३२३ बेड आवद्ध छन् ।
त्यहाँ बिरामीको आवश्यकता अनुसार निशुल्क उपचार हुनेछ । तपाईँको टोल छिमेक वा आफन्तहरू यो वर्गमा पर्नुहुन्छ भने खबर गरिदिनुहोला ।" उपचारमा कुनै समन्वय गर्नुपरेमा ११८० मा वा काठमाडौँ महानगर स्वास्थ्य विभागमा सम्पर्क गर्न पनि उहाँले भन्नुभएको छ ।
प्रतिक्रिया