आइतबार ०९, मङि्सर २०८१ ००:१४
आइतबार ०९, मङि्सर २०८१ ००:१४
गाैमुल खबर
बाजुरा : भारतको बेङ्गलोर शहरमा सवारीको ठक्करबाट घाइते भएका मदन बुढाको उपचारकै क्रममा मृत्यु भएको छ । दुर्घटनामा परी गम्भीर घाइते बुढाको उपचारकै क्रममा दुई सातापछि मृत्यु भएको हो ।
गौमुल गाउँपालिका–५ कोट स्थायी घर भएका बुढा आफन्त बस्ने ठाउँमा भेटघाट र घुमफिरका लागि भारतको बेङ्गलोर पुगेका थिए । सडक पार गर्ने क्रममा कारले ठक्कर दिँदा बुढा घाइते भएका हुन् ।
उनको टाउँकोमा गम्भीर चोट लागेको थियो । भारतको बेङ्गलोर शहरमा रहेको नरमंगला केयर एसीयन अस्पतालमा बुढाको उपचारकै क्रममा मृत्यु भएको आफन्त टीका बुढाले बताएका छन् । टाउँकोमा गम्भीर चोट लागेकोले बुढाको आइसीयुमै उपचार भइरहेको थियो ।
लामो समय सम्म होस् समेत नखुलेरै चिकित्सकले उपचार गरिरहेका थिए । टाउँको नै दुई फ्याक हुने गरी गम्भीर चोट लागेका बुढालाई मँहगो खर्च गरेर पनि आफन्तले बचाउन सकेन् ।
बुढाको उपचारका लागि मात्रै आफन्तले दैनिक १ देखि डेढ लाख भारु रुपैया तिर्ने गरेका थिए । आफन्त, देखि सबैसंग सरसापट र सहयोग अपिलबाट पनि रकम संकलन हुनेक्रम बढीरहेको थियो । तर बेहोस अवस्थामै बुढाले उपचारकै क्रममा अस्पतलामै प्राण त्यागेका हुन् ।
प्रतिक्रिया