आइतबार ०९, मङि्सर २०८१ ०१:३६
आइतबार ०९, मङि्सर २०८१ ०१:३६
गाैमुल खबर
बाजुरा : काठमाडौंबाट बाजुरा आउँदै गरेको बस पश्चिम नवलपरासीकाे सुनवलमा दुर्घटना भएकाे छ । बाजुरा आउँदै गरेको बस टिपरसंग ठोकिँदा १७ जना घाइते भएका छन् ।
विहीबार राति पौने १० बजे पश्चिम नवलपरासीको सुनवल नगरपालिका-४ पेट्राेल पप्प नजिकै काठमाडौंबाट बाजुरा आउँदै गरेको सु.प्र.प ०१-००१ ख ३४८० नम्बरको विपरीत दिशाबाट आउँदै गरेको लु २ ख १६९६ नम्बरको टिपरले आपसमा ठोकिदा दुर्घटना भएको हो ।
पश्चिम नवलपरासीका प्रहरी नायव निरीक्षक रेशम बोहराका अनुसार बसमा चालक सहीत ३५ जना सवार थिए । दुर्घटना हुँदा १७ जना घाइते भएको बोहराले जानकारी दिए । घाइते मध्ये एक जनाको अवस्था गम्भीर छ भने ७ जना मध्यम र ९ जना सामान्य भएका छन् ।
घाइतेको रुपन्देहीको देवदह मेडिकल कलजे, चौराह अस्पताल बुटवल र लुम्बिनी प्रादेशिक अस्पतालमा उपचार भईरहेको प्रहरी नायव निरीक्षक बोहराले जानकारी दिए । टिपर चालक नवलपरासी सुनवल नगरपालिका-१० गैडाखालका २८ वर्षीय सुनिल दर्जीलाई नियन्त्रणमा लिईएको बोहराले बताएका छन् ।
प्रतिक्रिया