बुधबार २४, भदौ २०८३ ०५:५८
बुधबार २४, भदौ २०८३ ०५:५८
गाैमुल खबर
बाजुरा ः भोटेकोशी बाढी तथा पहिरो पीडितका लागि बाजुराको क्रिएटर जोन एकेडेमीका विद्यार्थी, शिक्षक तथा कर्मचारीले आर्थिक सहयोग गरेका छन्।
विद्यालयमा कक्षा यूकेजीदेखि कक्षा-१२ सम्म अध्ययनरत विद्यार्थीहरुले आफ्नो खाजा खर्चबाट रकम बचत गरी बाढी तथा पहिरो पीडितको सहयोगार्थ रु. ११ हजार ७ सय ६० संकलन गरेका हुन्।
त्यसैगरी विद्यालयको तर्फबाट रु. ११ हजार १ सय १० र विद्यालयका सम्पूर्ण कर्मचारीको तर्फबाट रु. ३ हजार ५ सय सहयोग गरिएको छ।
विद्यार्थी, विद्यालय र कर्मचारीबाट गरी कुल रु. २६ हजार ३ सय ७० संकलन भएको रकम प्रधानमन्त्री दैवी प्रकोप उद्धार कोषमा जम्मा गरिएको विद्यालयका प्रिन्सिपल मीनबहादुर कार्कीले जानकारी दिएका छन् ।
सानो-सानो बचतबाट संकलित रकम विपद्मा परेका नागरिकको राहतका लागि सहयोग पुगोस् भन्ने उद्देश्यले विद्यार्थीहरुले आफ्नो खाजा खर्च कटाएर सहयोग गरेको प्रिन्सिपल कार्कीले बताएका छन् ।
विपद्को समयमा विद्यार्थीहरुले आफ्नो व्यक्तिगत खर्चबाट रकम बचत गरी पीडितको सहयोगमा योगदान गर्नु सामाजिक उत्तरदायित्व र मानवीय संवेदनाको उदाहरण भएको जानकारीहरुकाे भनाइ रहेकाे छ ।
प्रतिक्रिया