शुक्रबार १९, भदौ २०८३ ०९:५२
शुक्रबार १९, भदौ २०८३ ०९:५२
गाैमुल खबर
बाजुरा ःआज देशभर साधारणतया बदली रहने मौसम पूर्वानुमान गरिएको छ। हिमाली तथा पहाडी भूभागका केही स्थानमा मेघगर्जन र चट्याङसहित मध्यम वर्षा तथा हिमपातको सम्भावना रहेको छ।
दिउँसो कोशी र सुदूरपश्चिम प्रदेशका तराईका केही स्थानमा मध्यम वर्षा हुन सक्नेछ। मधेश, बागमती, गण्डकी र लुम्बिनी प्रदेशका तराईका थोरै स्थानमा पनि वर्षाको सम्भावना रहेको छ। मधेश र लुम्बिनी प्रदेशका केही तराई क्षेत्रमा हावाहुरी चल्न सक्ने अनुमान गरिएको छ।
कोशी, बागमती र गण्डकी प्रदेशका हिमाली तथा पहाडी क्षेत्र र लुम्बिनी, कर्णाली तथा सुदूरपश्चिम प्रदेशका पहाडी भूभागका एक-दुई स्थानमा भारी वर्षाको सम्भावना छ।
राति पनि देशभर साधारणतया बदली रहनेछ। कोशी, बागमती र गण्डकी प्रदेशका हिमाली तथा पहाडी क्षेत्रका केही स्थानमा तथा लुम्बिनी, कर्णाली र सुदूरपश्चिमका केही स्थानमा मेघगर्जन र चट्याङसहित वर्षाको सम्भावना रहेको छ।
विशेषगरी सुदूरपश्चिमका पहाडी क्षेत्रमा भारी वर्षाको सम्भावना रहेकाले सतर्कता अपनाउन आग्रह गरिएको छ।
प्रतिक्रिया