बिहीबार ०३, असोज २०८१ ०९:५१
बिहीबार ०३, असोज २०८१ ०९:५१
गाैमुल खबर
बाजुरा : बाजुरा जिल्ला स्तरीय राष्ट्रपति रनिङ शिल्ड अवधीभर राती ८ बजेपछि होटल पसल खोल्न नपाइने भएको छ । बुढीनन्दा नगरपालिकाको कोल्टी स्थित जनप्रकाश माविमा यही माघ १५ गतेदेखि शिल्डको अवधीभर राती होटल पसल खुला गर्न नपाइने नगरपालिकाले निर्णय गरेको हो ।
रातीको समयमा हुने संभावित असुरक्षा र घटनालाई लक्षित गरेर सुरक्षा निकायसँगको परामर्शमै निर्णय गरिएको नगर प्रमुख जनक कुमार बोहराले जानकारी दिएका छन् । बाजुराको चौधौं राष्ट्रपति रनिङ शिल्ड माघ १५ देखि १८ गतेसम्म कोल्टीमा हुने छ । जिल्लाका नौ वटा पालिकाबाट खेलाडी भाग लिनेछन् ।
नगरपालिका भित्र तीन दिनको अवधीमा मदिरा विक्री वितरण र सेवनमा पनि रोक लगाइएको छ । विक्री वितरण र सेवन गर्ने माथि कारवाही गर्ने लिखित निर्णय समेत गरिएको छ । सेवन गरेको भेटीएमा प्रहरीलाई बुझाउने र सम्बन्धीत व्यक्तिबाट २ हजार ५ सय रुपैया नगद सहीत कारवाही गर्ने निर्णय गरिएको छ । शिल् सफल पार्न विभिन्न उपसमिति गठन गरिएको छ ।
प्रतिक्रिया