सुदूरपश्चिमका सात जिल्लामा आकस्मिक बाढीको मध्यम जोखिम

बाजुरा ःसुदूरपश्चिमका सात जिल्लाका साना नदीहरूमा आकस्मिक बाढीको मध्यम जोखिम रहेको छ ।आज दार्चुला, बझाङ, बैतडी, डडेल्धुरा, डोटी, कैलाली, कञ्चनपुर र आसपासका जिल्लाका साना नदीहरूमा पनि आकस्मिक बाढी आउन सक्ने जल तथा मौसम विज्ञान विभाग अन्तर्गतको बाढी पूर्वानुमान महाशाखाले जनाएको छ ।

महाशाखाका अनुसार आज बिहानको मापनमा कर्णाली र महाकालीसहित तिनका सहायक नदीहरूमा जलसतह सतर्कता तहभन्दा तलै छ। भोलि सुदूरपश्चिम प्रदेशका केही साना नदीहरूमा बहाव एक्कासि बढ्न सक्ने अनुमान गरिएको छ । त्यसैगरी पर्सि पनि सुदूरपश्चिम प्रदेश भई बहने केही साना नदीहरूमा पनि आकस्मिक बाढीको सम्भावना रहेको छ ।