बुधबार २४, भदौ २०८३ १२:४१
बुधबार २४, भदौ २०८३ १२:४१
गाैमुल खबर
बाजुरा ः नेकपा (एमाले) का केन्द्रीय सदस्य तथा पूर्व उद्योगमन्त्री कर्णबहादुर थापाले प्रधानमन्त्री तथा रास्वपा वरिष्ठ नेता बालेन्द्र शाह (बालेन) को नेतृत्वप्रति तीव्र आलोचना गरेका छन् ।
सामाजिक सञ्जाल मार्फत आफ्नो धारणा सार्वजनिक गर्दै थापाले बालेन नेतृत्वले “पुँजीवादीको कुरुप अभ्यासलाई नेपालमा सही सावित गर्न खोजेको” आरोप लगाएका छन् ।
उनले गरिबीको अन्त्य गर्नुको सट्टा गरिब नागरिकलाई घृणा र अपमान गर्ने प्रवृत्ति देखिएको टिप्पणी गरेका छन् । थापाले असमानता र विभेदलाई “पूर्वजन्मको फल” का रुपमा व्याख्या गर्ने सोचलाई सरकारको दार्शनिक मान्यता भएको आरोप लगाउँदै वास्तविक समस्याको गहिराइमा पुगेर मात्रै सही समाधान खोज्नुपर्ने बताएका छन् ।
उनले मुगुका गणेश नेपालीको घटनालाई उल्लेख गर्दै गरिबी र अपमानका कारण मानिस आत्मदाहजस्तो कठोर निर्णय गर्न बाध्य भएको दाबी गरेका छन् । साथै, देशभरका सुकुम्बासीहरुको पीडा र चित्कार समेत बालेन नेतृत्वका लागि बेवास्ताको विषय बनेको आरोप उनले लगाएका छन् ।
प्रतिक्रिया