बुधबार २४, भदौ २०८३ १२:१३
बुधबार २४, भदौ २०८३ १२:१३
गाैमुल खबर
बाजुरा ः बाजुरामा १० दिनदेखि बेपत्ता भएकी एक महिला मृत अवस्थामा फेला परेकी छन् । जिल्लाको जगन्नाथ गाउँपालिका-५ गोत्री निवासी सकसबहादुर शाहीकी अन्दाजी ३५ वर्षीया लालचना बुढा शाही मंगलबार मृत फेला परेकी हुन् ।
प्रहरीका अनुसार २०८३ वैशाख २६ गते श्रीमानसँग सामान्य विवाद भएपछि “माइतीघर जान्छु” भन्दै घरबाट निस्किएकी शाही माइतीघर नपुगेपछि परिवारले खोजतलास सुरु गरेको थियो ।
आफन्त तथा छरछिमेकमा व्यापक खोजी गर्दा पनि सम्पर्क विहीन भएपछि उनका दाइ नरबहादुर बुढाले प्रहरीमा निवेदन दिएका थिए ।
जिल्ला प्रहरी कार्यालय बाजुराका सूचना अधिकारी प्रहरी निरीक्षक नरेशबहादुर शाहीका अनुसार प्रहरी टोलीले खोजतलास गर्ने क्रममा मंगलबार बिहान कालिकाेटकाे त्रिवेणी गाउँपालिका-२ आमतडा स्थित कर्णाली नदी किनारमा उनको शव फेला पारेको हो ।
घटनाबारे थप अनुसन्धानका लागि प्रहरी चौकी सान्नी कालिकोटबाट प्रहरी टोली खटिएको प्रहरीले जनाएको छ ।
प्रतिक्रिया