सोमबार १५, मङि्सर २०८२ ०४:१५
सोमबार १५, मङि्सर २०८२ ०४:१५
गाैमुल खबर
बाजुरा ःपाँचौँ अन्तराष्ट्रिय तेक्वान्दो प्रतियोगितामा स्वर्णपदक जित्न सफल सागर धामीलाई काठमाडौंमा आयोजित एक विशेष समारोहमार्फत सम्मान गरिएको छ ।
बाजुरा युथ कनेक्ट संस्थाले सोमबार धामीलाई सम्मान गर्दै खेल क्षेत्रमा उनले गरेको योगदानको उच्च प्रशंसा गरेको हो ।
बाजुराको स्वामीकार्तिक खापर गाउँपालिका निवासी धामीले २०८० असोजमा सम्पन्न प्रतियोगितामा स्वर्ण पदक हात पारेका थिए ।
संस्थाका अध्यक्ष विमल रोकायाले धामीको सफलताले जिल्लासँगै समग्र राष्ट्रको गौरव बढाएको उल्लेख गर्दै आगामी दिनमा खेलकुद क्षेत्रमा अझै उत्कृष्ट उपलब्धि हासिल गर्न प्रेरणा प्रदान गरेका छन् ।
युवामैत्री कार्यक्रम तथा गतिविधिका कारण बाजुरा युथ कनेक्ट संस्था पछिल्लो समय युवाहरूबीच विश्वासिलो संस्थाको रूपमा स्थापित हुँदै गएको छ ।
प्रतिक्रिया