शुक्रबार ३१, असोज २०८२ ११:१९
शुक्रबार ३१, असोज २०८२ ११:१९
गाैमुल खबर
बाजुरा ः गौमुल गाउँपालिका-५ का वडा अध्यक्ष कलकबहादुर सिंहले गौमुल विकास समाज संस्था समृद्धिको यात्रा भएको बताएका छन् ।
गौमुल विकास समाज संस्थाको प्रथम साधारणसभा तथा सामाजिक लेखा परीक्षण कार्यक्रमको सम्बोधन गर्दै उनले यस्तो बताएका हुन् ।
साधारण सभा केवल औपचारिकता होइन, समाजको नयाँ यात्राको सुरुवात, एकता, विकास र आत्मनिर्भरताको यात्रा भएको उल्लेख गरेका छन् ।
गौमुल क्षेत्र हाम्रो गौरव हो, यहाँको मिहिनेती जनताको इमानदार प्रयासले यस ठाउँलाई सम्भावनाको भूमिमा रुपान्तरण गरेकामा जोड दिएका छन् ।
विकासको मूल आधार भनेकै सहकार्य, पारदर्शीता र साझा जिम्मेवारी भएकोले गाउँ, समुदाय र व्यक्ति सबैको हितका लागि काम गर्न आग्रह गरेका छन् ।
प्रतिक्रिया