बाजुरा : बाजुरामा भालुको आक्रमणबाट एक महिला गम्भीर घाइते भएकी छन् । घाईते हुनेमा खप्तड छेडेदह गाउँपालिका-३ धनाल्तका भिम रावताकी ४५ वर्षीया श्रीमती जौकला रावत रहेकी छन् । आज दिउँसो गोरु, बाख्रा चराउन गएको अवस्थामा मेलागडेन भन्ने ठाउँमा जंगली भालुको आक्रमणबाट घाइते भएकी हुन् ।

भालुको आक्रमणबाट रावतको मुख, पाखुरा, खुट्टा, टाउँको र हातमा गहिरो चोट लागेको उनका आफन्तले बताएका छन् । घाइते रावतलाई उपचारका लागि बयालपाटा अस्पतालमा लगिएको छ ।