सोमबार ०३, चैत २०८१ ०६:१२
सोमबार ०३, चैत २०८१ ०६:१२
गाैमुल खबर
कालीकोट : जिल्लाको पँलाता गाउँपालिका-९ वालुवास्थित कर्णाली नदी तर्ने क्रममा एकजना युवक बगेर वेपत्ता भएका छन् । बालुवा बजारदेखि पचालझरना गाउँपालिका-६ नानिकोट जानका लागि नदी तर्ने क्रममा युवा बगेर वेपत्ता भएका हुन् ।
डुंगा पल्टिँदा मुगुको छायाँनाथ रारा नगरपालिका वडा नं १० निवासी २३ वर्षीय देवनाथ सेजवाल नदीमा वेपत्ता भएको प्रहरी निरीक्षक किशोर केसीले बताए । उनले भने कर्णाली करिडोरमा काम गर्न आएका सेजुवालको खोजी कार्य जारी रहेको छ ।
बिहान ७ बजेर ३० मिनेटको समयमा नदी पार गर्ने क्रममा उक्त घटना घटेको हो । अहिले उनको खोजी कार्य जारी रहेको छ । डुंगामा चारजना सवार रहेकोमा सेजुवाल बेपत्ता भएका हुन्।
प्रतिक्रिया