शुक्रबार ०४, असोज २०८१ ०६:३५
शुक्रबार ०४, असोज २०८१ ०६:३५
बाजुरा ः गौमुल गाउँपालिकाको केन्द्र घट्मुनाबाट सदरमुकाम मार्तडी जोड्ने सडक पुनः सुचारु भएको छ । भारी वर्षाका कारण विभिन्न ठाउँमा पहिरो खसेर अवरुद्ध बनेको सडक गाउँपालिकाले मर्मत गरेपछि सडक खुलेको हो ।
करिव १४ किलोमिटर रहेको उक्त सडकका ठाउँठाउँमा पहिरो खसेपछि सडक पूर्ण रुपमा अवरुद्ध बनेको थियो । गाउँपालिकाको आफ्नै जेसीबी मार्फत आज सडक तल र माथिबाट आएको पहिरो पन्छ्याएर मर्मत गरी सडक सुचारु गरिएको गौमुल गाउँपालिकाका उपाध्यक्ष सीता थापाले बताईन् ।
सडकखण्डको थलारा, मेलकाँध, भौनेरा लगायतका विभिन्न स्थानमा सडक तलमाथिबाट पहिरो बगेर पूर्ण रुपमा अवरुद्ध बनेको थियो । सडक बन्द हुदाँ दैनिक उपभोग्य सामाग्री ढुवानी गर्न समस्याका हुनुका साथै आउजाउमा समेत स्थानीयलाई समस्या भएको थियो । नियमित भारी वर्षा जारी रहेकोले थप सडक अवरुद्ध हुने भएका कारण सचेत भएर हिडडुल गर्न समेत गाउँपालिकाले अनुरोध गरेको छ ।
प्रतिक्रिया