मङ्गलबार २३, भदौ २०८३ ०३:१६
मङ्गलबार २३, भदौ २०८३ ०३:१६
गाैमुल खबर
कञ्चनपुर ः कञ्चनपुरको महाकाली नदीमा टिकटक बनाउने क्रममा एक किशोरी नदीमा बगेर बेपत्ता भएकी छन्। बेपत्ता हुनेमा दोधाराचाँदनी नगरपालिका-१० की १५ वर्षीया सृष्टि सुनार रहेकी छन्।
प्रारम्भिक विवरणअनुसार सृष्टि महाकाली नदी किनारमा टिकटक बनाउने क्रममा नदीमा बगेकी हुन्। घटना लगत्तै उनको खोजीका लागि नेपाल प्रहरी र सशस्त्र प्रहरीको टोली परिचालन गरिएको छ।
जिल्ला प्रहरी कार्यालय कञ्चनपुरका प्रहरी निरीक्षक वीरेन्द्र थापाले नदीमा बेपत्ता सुनारको खोजी भइरहेको जानकारी दिए । उनकाअनुसार सशस्त्र प्रहरी र नेपाल प्रहरीले संयुक्त रूपमा महाकाली नदीमा बेपत्ता किशोरीको खोजी गरिरहेको छ ।
महाकाली नदीमा पानीको बहाव तीव्र रहेकाले खोजी कार्यमा कठिनाइ भइरहेको बताइएको छ। घटनाबारे थप विवरण आउन बाँकी रहेको प्रहरीले जनाएको छ।
प्रतिक्रिया