बुधबार २३, माघ २०८१ १०:५१
बुधबार २३, माघ २०८१ १०:५१
गाैमुल खबर
बाजुरा ः सदरमुकाम मार्तडीमा एक घरमा भएको आगलागी पीडितलाई राहत वितरण गरिएको छ । बडीमालिका नगरपालिका–९ स्थित बजारमा सोमबार आगलागी भएको थियो ।
आगलागीबाट पीडित भएका बुढीनन्दा नगरपालिका–९ पाण्डुसैन घर भई मार्तडी बस्दै आएका पशुपति थापाको परिवारलाई राहत वितरण गरिएको हो । बडीमालिका नगरपालिकाका नगर प्रमुख अमर खड्काको नेतृत्वमा राहत वितरण गरिएको हो ।
जसमा बडीमालिका नगरपालिका, पीसविन नेपाल, गिफ्ट नेपाल, उपहार नेपाल र एच.आर.सी.बाजुराले राहतमा सहयोग गरेका छन् ।
राहतमा खाद्यान्न, लत्ताकपडा, भाँडावर्तन लगायत वितरण गरिएको बडीमालिका नगरपालिकाका कर्मचारी भानुभक्त जैशीले बताएका छन् ।
राहत वितरणमा नगर प्रमुख अमर खड्का, नगर प्रवक्ता धर्मराज पाध्याय, वडा अध्यक्ष चन्द्र थापा, सूर्य किरण विक लगायत सम्बन्धित संस्थाका प्रतिनिधिहरुको सहभागीता रहेको थियो ।
प्रतिक्रिया