गौमुल गाउँपालिकामा मतदान अधिकृत सहित कर्मचारीहरु मतदान केन्द्रतर्फ लागेका छ । गौमुल गाउँपालिका–१ को विकट मतदान केन्द्रका रुपमा रहेको अम्लिसमा मतदान अधिकृत भरत थापाको टोली गाउँपालिकाको केन्द्र घट्मुनाबाट अम्लिस तर्फ प्रस्थान गरेको निर्वाचन अधिकृत शान्ति बहादुर बस्नेतले गौमुल खबरसंग बताउनुभयो । 

आउँदो शुक्रबार हुने स्थानीय तहको निर्वाचनका लागि बाजुराका ९ वटै स्थानीय तहमा कर्मचारी खटाइसकेका छन् । मुख्य निर्वाचन अधिकृत र जिल्ला निर्वाचन कार्यालयबाट सामग्री र कागजात बुझेर मतदान केन्द्रतर्फ प्रस्थान गरेको जिल्ला निर्वाचन कार्यालय प्रमुख नवराज अवस्थीले बताउनुभएको छ ।मतदान अधिकृत र सहयक मतदान अधिकृत सहित कर्मचारीहरु नियुक्ति पत्र, मतपत्र निर्वाचन अधिकृतको कार्यालय र निर्वाचन कार्यालयबाट मतपेटिका र मतदानलाई चाहिने सामग्री बुझेका हुन् ।

त्यस्तै गौमुल गाउँपालिका–२ मा रहेको पदमपुर आधारभुत विद्यालयमा दुई वटै मतदान केन्द्रका मतदान अधिकृत सहितको टोली समेत आज नै हिडेको छ । उक्त वडामा दुई वटा मतदान केन्द्र रहेका छन् । जसमा (क) मतदान केन्द्रमा मतदान अधिकृत दल बहादुर रोकाया र (ख) मतदान केन्द्रमा काँशीचन्द्र पाध्याय सहित सहायक मतदान अधिकृत र सहित कर्मचारीको टोली मतदान स्थलमा पुगेको छ ।

त्यस्तै गौमुल गाउँपालिका–३ माझपालीमा समेत दुई वटा मतदान केन्द्र रहेका छन् । जसमा (क) मतदान केन्द्रमा मतदान अधिकृत जमुना सिंह र (ख) मतदान केन्द्रमा भेषराज पण्डित सहित सहायक मतदान अधिकृत र सहित कर्मचारीको टोली मतदान स्थलमा पुगेको छ ।  गौमुल गाउँपालिका–४ निलासैनमा मतदान अधिकृत हरिनारायण कुमार सुर्रेत यादव सहित सहायक मतदान अधिकृत र सहयोगी कर्मचारीहरु सहित टोली सम्बन्धित स्थानमा पुगेको छ ।

गौमुल गाउँपालिका–५ मा मतदान अधिकृत विक्रम भट्ट सहित सहायक मतदान अधिकृत र सहयोगी कर्मचारीहरु सहित टोली सम्बन्धित स्थान थलामा पुगेको छ । यसैबीच गौमुल गाउँपालिका–६ मा रहेको वडा कार्यालयको केन्द्र घट्मुनामा समेत मतदान अधिकृत जगदीश प्रसाद भट्ट सहित सहायक मतदान अधिकृतको टिमले निर्वाचनको तयारी गरिरहेको सहायक निर्वाचन अधिकृत जगदीश प्रसाद भट्टले बताउनुभएको छ । 

मतदान केन्द्रमा मतदान अधिकृतको सहित कर्मचारीहरुको टोली पुगेर निर्वाचन स्थलको अवलोकन तथा बन्दोबस्त मिलाउन थोलेका छन् । निर्वाचनलाई भयरहित वातावरणमा सम्पन्न गर्नका लागि स्थानीय राजनीतिक दलसंग समेत समन्वय तथा छलफल सुरु गरिएका छन् ।