बाजुराको बुढीनन्दा नगरपालिका वडा नं. ९ पाण्डुसैनमा दिनभर तनावग्रस्त बनेको छ । समाजवादी र नेपाली काँग्रेसबीच दोहोरो झडप भएपछि तनावग्रस्त बन्दै गएको हो  । कुकुरलाई हिर्काएको भन्ने निउँमा दलका कार्यकर्ताबीच दोहोरो झडप भएको जिल्ला प्रहरी कार्यालय बाजुराले जनाएको छ । 

प्रहरी चौकी नै घेराउमा राखेपछि झन तनावग्रस्त बन्दै गएको छ । प्रहरी नियन्त्रणमा लिनका लागि १४ राउण्ड हवाई फायर समेत गरेको जिल्ला प्रहरी कार्यालयका डिएसपी चतुर्भुज ओझाले बताएका छन् । 

दिउँसो नेपाली काँग्रेस र नेकपा एकिकृत समाजवादीका कार्यकर्ताबीच भएको दोहोरो झडपलाई नियन्त्रण लिन सक्ने स्थिति नभएपछि नियन्त्रणमा ल्याउँन १४ राउण्ड हवाई फायर गरेको उहाँले बताए । 

नेपाली काँग्रेसका कार्यकर्ताले आक्रमण गर्न थालेपछि समाजवादीका कार्यकर्ताहरु प्रहरी चौकीमा संरक्षण लिनका गएका थिए । समाजवादीका कार्यकर्तालाई प्रहरी चौकी भित्र संरक्षण गरेको भन्दै प्रहरी चौकी नै घेराउँमा राखेका छन् । काँग्रेसका कार्यकर्ताले प्रहरी चौकी माथि नै आक्रमण गरेको जिल्ला प्रहरी कार्यालय बाजुराले जनाएको छ ।

प्रहरी चौकी नै आक्रमण गरेको र नियन्त्रणका लागि १४ राउण्ड गोली चलाएको छ, अझैपनि नियन्त्रण भन्दा बाहिरी नै रहेको प्रहरीले जनाएको छ । नेपाल प्रहरी, शसस्त्र प्रहरी, नेपाली सेना पाण्डुसेन प्रहरी चौकिमा तथा घटानस्थल पुगेको छ । काँग्रेसले गाउँ–गाउँबाट मान्छे बोलाइरहेका छन्, स्थिति निकै तनावग्रस्त रहेको डिएसपी भतुर्भुज ओझाले बताएका छन् ।