शुक्रबार २१, चैत २०८१ ०५:५९
शुक्रबार २१, चैत २०८१ ०५:५९
गाैमुल खबर
बाजुरा : बाजुराका उच्च भेगमा वर्षासँगै हिमपात भएको छ । वर्षासँगै हिमपात भएपछि किसान खुसी भएका छन् । पूर्वी–उत्तरी भेगको हिमाली गाउँपालिका, बुढीनन्दा नगरपालिका, स्वामीकार्तिक खापर गाउँपालिका, जगन्नाथ गाउँपालिकाका उच्च लेकाली भेगमा हिमपात भएको छ ।
त्यस्तै तल्लो भेगको गौमुल गाउँपालिका, बडीमालिका नगरपालिका, त्रिवेणी नगरपालिका, खप्तड छेडेदह गाउँपालिकाका लेकाली क्षेत्रमा हिमपात भएको हो । मंगलबार रातिदेखि उच्च हिमाली क्षेत्रका धेरै ठाउँमा परेको हिमपात र वर्षाले जनजीवन कष्टकर समेत बनाएको छ ।
हिमपातका कारण पहाडहरु सेताम्मे बनेका छन् । यसअघि मंसिरको अन्त्यमा समेत हिमपात भएको थियो । दुई पटक हिमपात र वर्षाले विभिन्न अन्नबाली, फलफूल र तरकारी लगायत किसानलाई फाईदा पुगेको छ ।
उच्च भेगमा हिमपात भएपछि चिसो बढेको छ । चिसोसँगै हिमपात भएपछि विद्यार्थी, वृद्धवृद्धा, दिर्घरोगी र यातायात सेवालाई समस्या समेत भएको छ ।
प्रतिक्रिया