स्थानीय तह निर्वाचन आउन ८ दिन बाकी छ । यतिबेला विभिन्न दल नेता तथा उम्मेदवारहरु चुनावी प्रचार–प्रसार सहीत जनता सामु भोट माग्न बेस्त देखिएका छन् । चुनाव नजिकिएसँगै उम्मेदवारहरु जित्ने दाउँमा छुट्टाछुट्टै रणनीतिमा लागि रहेका छन् ।

जनताका माझ घोषणा पत्र लिएर भोट मागिरहेका छन् । पालिकाका विभिन्न वडाहरुमा चुनावी आमसभा कार्यक्रम समेत सञ्चालन गर्दै आएका छन् । गाउँमा यतिबेला चुनावी माहोल तात्दै गएको छ । विभिन्न पार्टीबाट उम्मेदवार बनेका उम्मेदवारहरु म र मेरो पार्टीको सिंगो प्यानल जिताउँनु पर्छ भनेर जनताको घरदैलोमा पुगिरहेका छन् । 

यसैबीच वडाहरु चुनावी अभियान समेत लगभग अन्तिम चरणमा पुगिसकेको छ । कतै वडाहरुमा आमसभा कार्यक्रमहरु जारी रहेका छन् भने कतै सकाएर आफ्नै रणनीतिमा जनताको घरदैलोमा पुग्ने अभियानमा लागि रहेका छन् । भोटहरुलाई यो चिन्ह्रमा यसरी भोट हाल्नु है भनेर सिकाउँने काम समेत भईरहेको छ । यसै साथ गौमुल गाउँपालिकामा पनि चुनावको माहोल तात्दै गएको छ । गौमुलमा नेकपा एमाले बलियो रहेको पालिकामा यतिबेला चुनावी आमसभा सम्पन्न गरी मतदाता सामु उम्मेदवार भेटघाटमा व्यस्त देखिएका छन् ।

नेकपा एमालेबाट गौमुल गाउँपालिकामा जनसमर्थन रहेका उम्मेदवारहरु गाउँ–गाउँमा पुगेर जनतालाई भेट्न थालेपछि जनताहरु समेत खुशी भएका छन् । घरदैलोमै अध्यक्ष उपाध्यक्ष, वडाध्यक्ष, वडा सदस्यका उम्मेदवार पुगेपछि जनताहरुले जितकाे आर्शिवाद दिनुको साथै जिताउँने पक्षमा लागि परेका छन् । 

गौमुल गाउँपालिकामा चुनावी आमसभा कार्यक्रमा नेकपा एमाले रोज्नेको संख्या दैनिक दिन बढ्दै गएको छ । सभामा सयौंको संख्यामा एमाले प्रवेश गर्न थालेका छन् । नेपाली काँग्रेसमा आस्था राख्दै आएका गौमुलका अधिकांस युवाहरु धमाधम एमाले प्रवेश गर्न थालेपछि काँग्रेसमा निरासा छाउँदै गएको छ ।

एमालेको लालकिंला भनेर चिनिने गौमुल गाउँपालिकामा यो चुनावदेखि अझै बलियो रहने देखिन्छ । काँग्रेस भने निकै कम्जोर हुने देखिन्छ । नेकपा एमाले विकास गर्ने पार्टी जनताको भावना बुझ्ने पार्टी भएको भन्दै युवाहरु नै एमाले प्रवेश गर्न थालेका छन् । हुनाहार युवाहरु नै एमाले प्रवेश गर्न थालेपछि काँग्रेसमा निरासा छाउँनुको साथै गौमुलमा कम्जोर बन्दै गएको छ ।

२०७४ सालको चुनावमा एमालेबाट भारी मत विजयी भएका जनप्रतिनिधीहरुले पाँच वर्षको अवधिमा जनताका आवश्यकता अनुसारको विकास गरेपछि एमालेमा समर्थन जनाउँनेको संख्या निकै बढेको हो । नेकपा एमालेबाट गौमुल गाउँपालिकाको अध्यक्षमा हरि बहादुर रोकाया, उपाध्यक्षमा सीता थापा २०७४ सालको चुनावमा भारी मतले विजयी भएका थिए । 

यो चुनावमा पनि उहाँहरुलाई नै उम्मेदवार बनाएको छ । विगत पाँच वर्षको अवधिमा रोकाया र थापाले जनताले सोचे भन्दा बढी विकास गरेर देखाएपछि फेरी जनताले उहाँहरुलाई नै दोहोर्याएको हो । गौमुल गाउँपालिकाको अध्यक्षमा हरि बहादुर रोकाया र उपाध्यक्षमा सीता थापाले टिकट पाएपछि जनताहरु निकै हर्षित भएका छन् । 

त्यस्तै एमालेबाट गौमुल गाउँपालिकामा ४ वटा वडामा वडाध्यक्ष फेरिएका छन् भने २ वटा वडामा पुनः दोहोरिएका छन् । जसमा वडा नं.१ बाट देव बहादुर रोकाया, वडा नं.३ मा गोरख रोकाया, वडा नं.४ मा अम्मर विक, वडा नं.५ मा कलक बहादुर सिंह गरी ४ वटा वडामा वडाध्यक्ष फेरिएका हुन् । भने वडा नं.२ मा देव बहादुर रोकाया, वडा नं.६ मा प्रकाश बहादुर रोकायाले नै टिकट पाएका छन् । 

वडा नं.२ मा २०७४ सालको चुनावमा काँग्रेसबाट चक्रबहादुर रोकाया विजयी भएका थिए । यो चुनावमा भने वडाध्यक्षमा नेकपा एमाले विरासत फर्काउने दाउँमा देखिएको छ । सोही वडामा एमाले बलियो हुँदै गएको छ । काँग्रेसमा आस्थावान राख्दै आएका युवा तथा सयौंको संख्यामा परिवारहरु नै एमाले प्रवेश गर्न थालेपछि उक्त वडामा एमाले बलियो हुदैं गएको छ । 

त्यसैगरी वडा नं.६ मा ०७४ को चुनावमा प्रकाश बहादुर रोकाया विजयी भएका थिए । बैशाख ३० गते हुने चुनावका लागि समेत उहाँले नै टिकट पाएका छन् । पाँच वर्षको अवधिमा रोकायाले आफ्नो वडामा थुप्रै विकास निर्माण कार्यहरु गरेपछि जनताले पुनः रोकायालाई नै वडाध्यक्षको उम्मेदवार बनाएका हुन् । सोही वडामा हाल नेकपा एमाले झनै बलियो बनेको छ । गौमुल गाउँपालिकामा उम्मेवारहरु घरदैलो अभियान व्यस्त रहेका छन् ।