बिहीबार १३, मङि्सर २०८१ ००:१९
बिहीबार १३, मङि्सर २०८१ ००:१९
गाैमुल खबर
बाजुरा : मार्तडीमा अटो दुर्घटनामा परेको छ । साँफे मार्तडी सडकखण्डको कारागार स्थित बीरेखोलाबाट सदरमुकाम मार्तडी तर्फ आउदै गरेको सु.प.प्र.०१–००१ ह ६४८५ नम्बरको अटो अचानक आफै अनियन्त्रित भएर दुर्घटनामा परेको जिल्ला प्रहरी कार्यालय बाजुराका प्रहरी निरीक्षक एवंम् प्रवक्ता जनक बोहराले बताएका छन् ।
अटो दुर्घटनामा परेर चालक सहित तीन जना घाईते भएका छन् । घाईते हुनेमा बडीमालिका नगरपालिका–८ बीरेखोला बस्ने अटो चालक २३ वर्षीया गोबिन्द साउँद, सोही वडाको रापक बस्ने २० वर्षीया प्रकाश रावल र उक्त वडाका २१ वर्षीया दीपेन्द्र रावल रहेका छन् ।
उनीहरु तीनै जनाको शरीरका विभिन्न भागमा चोटपटक लागेको छ । घाईतेको जिल्ला अस्पतालमा उपचार भईरहेको छ । सडकबाट अटो करिब २ सय मिटर तल खसेको हो । घाईतेहरुको अवस्था समान्य रहेको बताईएको छ ।
प्रतिक्रिया