बाजुरा : श्रृगारिक रसमा लेखिएको खास हुन मन छ, गीतको म्यूजिक भिडियो बजारमा आएको छ । मेघ पौडेलले निर्माण गरेको गीतको म्यूजिक भिडियो बुधबारबाट बजारमा आएको हो ।

गायक तथा निर्माता पौडेलकै अफिसियल यूटुब च्यानल मार्फत गीत सार्वजनिक गरिएको संगीतकार ज्ञानेन्द्र गिरीले बताएका छन् ।

सञ्चारकर्मी तथा साहित्यकार कृष्ण ओलीको शब्द रहेको गीतमा मेघ पौडेल र ममता गुरुङ्गले स्वर दिएका छन् । अमेरिका निवासी मेघले नेपालमा आएर गीतको रेकर्ड र छायाकंन गरेका हुन् । चर्चित संगीतकार ज्ञानेन्द्र गिरीको संगीत रहेको गीतको एरेन्जर सञ्जीव बराइलीले गरेका छन् ।

भने नरेश बिसीसीले मिक्सीङ्ग गरेका हुन् । ए प्लस स्टुडियोमा रेकर्ड गरिएको गीतमा चर्चित मोडल विक्रम बुढाथोकी र सुरक्षा इटानीको अभिनय रहेको छ ।

गीतको म्यूजिक भिडियो नरेश भट्ले निर्देशन गरेका छन् । लामो समय पत्रकारितामा आवद्ध ओलीले प्रेममा परेपछिको समर्पण र आत्मीय भावलाई मनछुने गरि व्यक्त गरेका छन् ।

२ दिनमै ८६ हजार बढीले हेरिसकेको गीतमा राधा र कष्ण, मुना र मदनको प्रेमसँग तुलना गरेर शब्द लेखिएको छ । भने सीताले जस्तै अग्नी परीक्षामा पास हुने र जीवनमा खास भइरहेको भावलाई समेटिएको छ ।

प्रेमील भावले भरिएको गीतलाई सामाजिक सञ्जालमा राम्रो प्रतिक्रिया आउन थालेको छ । गीतका संगीतकार ज्ञानेन्द्र गिरीले सयैको संख्यामा गीतमा आफ्नो संगीत दिएका छन् ।

भने शब्द रचनाकार ओलीले २ वटा गजल संग्रह बजारमा ल्याएका छन् । संगीत सहीतको गीत भने ओलीको यो नै पहिलो सुरुवाद हो ।