आइतबार ०९, मङि्सर २०८१ ०१:०१
आइतबार ०९, मङि्सर २०८१ ०१:०१
गाैमुल खबर
बाजुरा : बाजुरामा भरुवा बन्दुक प्रहारबाट एक जना घाइते भएका छन् । घाइते हुनेमा स्वामीकार्तिक खापर गाउँपालिका–३ रिवडाका ५४ वर्षीया वीरबहादुर शाही रहेको जिल्ला प्रहरी कार्यालय बाजुराका सूचना अधिकारी तथा प्रहरी निरीक्षक जनक बहादुर बोहराले बताएका छन् ।
शनिबार राती १० बजेको समयमा सोही ठाउँका २७ वर्षीया प्रवेश शाहीले ४० वर्षका धिरेन्द्र शाहीलाई भरुवा बन्दुक प्रहार गर्न खोज्दा विर बहादुरलाई गोली लागेको हो । धिरेन्द्रले आफू बच्नका लागि प्रहार गर्न तयारी राखेको बन्दुकको नाल समाती साईट लगाउँदा प्रवेशले बन्दुक पड्काई विरबहादुर शाहीको निधारमा चोट लागेको प्रहरी निरीक्षक बोहराले बताएका छन् ।
भरुवा बन्दुक पड्काउने प्रवेश फरार भएको खबर पश्च्यात ईलाका प्रहरी कार्यालय बुढीनन्दा र स्वामीकार्तिकबाट खटी गएको प्रहरी टोलीले भरुवा बन्दुक बरामद गरी आईतबार बन्दुक प्रहार गर्ने प्रवेश शाहीलाई समेत नियन्त्रणमा लिएको उनले बताए ।
पक्राउ परेका शाहीलाई बाजुरा जिल्ला अदालतबाट ज्यान मार्ने उद्योग र हातहतियार तथा खरखजाना सम्बन्धी कसूरमा ३ दिन म्याद थप गरी अनुसन्धान कार्य भईरहेको प्रहरी निरीक्षक बोहराले बताएका छन् ।
प्रतिक्रिया