आइतबार ०९, मङि्सर २०८१ ०२:२३
आइतबार ०९, मङि्सर २०८१ ०२:२३
गाैमुल खबर
धनगढी : कञ्चनपुरमा चट्याङ लागेर एक महिलासहित दुई जनाको मृत्यु भएको छ । जिल्ला प्रहरी कार्यालय कञ्चनपुरका प्रहरी नायब उपरीक्षक उमेश जोशीका अनुसार दोधारा–चाँदनी नगरपालिका–६ का ३४ वर्षीय यमबहादुर सुनारको मृत्यु भएको छ ।
‘बुधबार मध्यान्न १२ बजे सोही नगरपालिकाको भट्टीनालास्थित बजारबाट घर जाने क्रममा पानी परेपछि यमबहादुर र सोही स्थानका ३६ वर्षीय जगते सुनार रुखमुनि बसेका थिए। सोही क्रममा चट्याङ लागेर दुबै जना घाइते भएका थिए । उपचारका क्रममा यमबहादुरको एक बजे मृत्यु भएको छ ।’
यस्तै लालझाडी गाउँपालिकामा पनि चट्याङ लागेर एक महिलाको मृत्यु भएको छ । गाउँपालिकाको वडा नम्बर १ नौरंगाकी २८ वर्षीया हिरामति रानाको मृत्यु भएको हो । विहान साढे १० बजे चट्याङ लागेकोमा उपचारका क्रममा १२ बजे निसर्ग अस्पताल धनगढीमा मृत्यु भएको हो ।
प्रतिक्रिया