बिहीबार ०३, असोज २०८१ १०:२२
बिहीबार ०३, असोज २०८१ १०:२२
गाैमुल खबर
बाजुरा : गौमुल गाउँपापालिका-४ मा रहेको कीतिचौर माध्यमिक विद्यालयले शिक्षा दिवसको अवसरमा अतिरित्त क्रियाकलापहरु आयोजना गरेको छ । विद्यार्थीको क्षमता विकासका लागि विभिन्न खेलसंगै प्रतियोगिताको आयोजना गरी दिवस मनाएको हो ।
विद्यालयले १ देखि कक्षा ३ सम्मका विद्यार्थीको चम्चा दौड, ४ देखि ५ सम्म हिसाब दौड, कक्षा-६ देखि ८ सम्म अंग्रेजी हिज्जे, कक्षा-९/१० हाजिरी जवाफ र कक्षा-११/१२ वतृत्वकला प्रतियोगिता सञ्चालन गरिएको प्रधानाध्यापक खडक बहादुर शाहले बताएका छन् ।
विद्यार्थीको चौतर्फि विकासमा जोड दिन मनोरञ्जनका क्रियाकलाप सहीत प्रतियोगिताको आयोजना गरिएको उनले बताए । हरेक विद्यार्थीमा अन्तरनिहीत प्रतिभाको प्रस्फुटन र विकास गराउँन शिक्षा दिवसको अवसर पारी प्रतियोगिताको आयोजना गरिएको प्रधानाध्यापक शाहको भनाइ छ ।
बालबालिकाको शारिरीक, मानसिक र भावनात्मक तथा संवेगात्मक क्षमता विकास गर्न किताबी ज्ञान मात्रैले नपुग्ने भएकाले यसका लागि विद्यालयले किताबी ज्ञानसंगै अतिरित्त क्रियाकलापमा जोड दिदै आएको शाहले बताएका छन् ।
प्रतिक्रिया