आइतबार ०९, मङि्सर २०८१ ००:५४
आइतबार ०९, मङि्सर २०८१ ००:५४
गाैमुल खबर
बाजुरा : गौमुल गाउँपालिका-२ रनेडामा पहिरोले ५ घर विस्थापित भएका छन् भने ७ घर पहिरोको उच्च जोखिममा छन् । मंगलबार रातिको अविरल वर्षाका कारण निरन्तर गएको पहिरोले पुरै बस्ती नै जोखिममा परेको छ ।
रनेडा बस्तीको तल र माथिबाट आएको पहिरोले ७ घर उच्च जोखिममा र ५ घर विस्थापित भएको वडा सदस्य प्रेम बहादुर रोकायाले बताएका छन् । उनका अनुसार स्थानीय सालिभान रोकाया, मिहेन्द्रे रोकाया, साउने रोकाया, सगुने रोकाया र देबे सार्कीको घर परिवार विस्थापित भएका छन् ।
विस्थापित परिवारलाई वडाबाट त्रिपाल उपलब्ध गरी सुरक्षित स्थानमा बसालिएको वडाध्यक्ष देवबहादुर रोकायाले बताएका छन् । अन्य उच्च जोखिममा रहेका घर परिवारलाई पनि सुरक्षित स्थानमा बस्न आग्रह गरिएको उनले बताए ।
प्रतिक्रिया