शुक्रबार ०४, असोज २०८१ ०३:३६
शुक्रबार ०४, असोज २०८१ ०३:३६
गाैमुल खबर
बाजुरा : गौमुल गाउँपालिका ५ नकराडामा पहिरोले टिनको टहरा पुरिएको छ । गएराति आएको अविर वर्षाका कारण घर माथिबाट पहिरो बग्दा नकराडाका जगदिश चदाँराको परिवार बस्ने टिनको टहरा पुरिएको हो ।
भूकम्पले बस्ने घर भत्किाएपछि चदाँराको परिवार सोही टिनको टहरामा बस्दै आएका थिए । टिनको टहरा समेत पहिरोले पुरिदिएपछि बिचल्ली भएको छ । राती ३ः०० बजेको समयमा पहिरो आएको थाहा पाएपछि भागेर ज्यान बचेको जगदिशका दाई विष्णु चदाँराले बताएका छन् ।
पहिरोले घरमा रहेको अन्नपात, भाडाकुडा, दाल, चामल, लत्ताकपडा र नगदसहित सम्पूर्ण सामाग्रीहरु पुरिएको चदाँराले बताएका छन् । अहिले पीडित चदाँरा दाईको घरमा बसिरहेको छन् । यता इलाका प्रहरी कार्यालयबाट प्रहरी टोली घटनास्थलमा गई क्षतिको एकीन विवरण समेत ल्याईसकेको बताईएको छ ।
त्यस्तै गौमुल गाउँपालिका ६ मा पनि पहिरोले एक घर जोखिममा परेको छ । घर माथिबाट निरन्तर पहिरो बग्न थालेपछि बाढीका पूर्ण बहादुर रोकायाको घर उच्च जोखिममा परेको हो । गएरातिको अविरल वर्षाका कारण घर माथिबाट आएको पहिरोले घरको आगन सबै च्यापिसकेको रोकायाले बताएका छन् । अर्को घर नभएपछि रोकायाको परिवार सोही घरमा बसिरहेका छन् ।
प्रतिक्रिया