अछामको साँफेबगर नगरपालिकाले आयोजना गरेको प्रथम उप–मेयर कपको उपाधि गौमुल गाउँपालिकाले हात पारेको छ ।

अन्तर पालिका स्तरीय किशोरी भलिबल प्रतियोगीतामा गौमुल गाउँपालिकाले जितेको छ । १२ सेटको सोझो अन्तरले आयोजक साँफे बगर नगरपालिकालाई हराउँदै गौमुल गाउँपालिकाले जित हाँसिल गरेको हो ।

पशुपति बोहराको कप्तानीमा सञ्चालित खेलमा आयोजकलाई सोझो सेटमा पुछार्दै आफुहरुले प्रतियोगीता कब्जामा लिएको खेलाडी सपना रोकायाले बताएकी छन् ।गौमुल गाउँपालिकाले उपाधि कब्जामा लिएसंगै १ लाख ११ हजार १ सय ११ रुपियाँ नगद सहित प्रमाण–पत्र, मेडल र ट्रफी प्रदान गरेको छ ।

त्यस्तै आयोजक साँफे बगर नरगपालिकाले द्धितिय स्थान हाँसिल गदैं ५५ हजार ५ सय ५५, तृतिय स्थान हुन् सफल मेल्लेख गाउँपालिका ३३ हजार ३ सय ३३ र सान्तवना  पुरस्कार ११ हजार नगद सहित प्रमाण–पत्र, मेडल र ट्रफी कमल बजार नगरपालिका अछामले प्राप्त गरेको छ ।

गौमुल गाउँपालिकाद्धारा बधाई तथा सम्मान

गौमुल गाउँपालिकाले अछामको साँफेबगर नगरपालिकाले आयोजना गरेको प्रथम उप–मेयर कपको उपाधि जितेका खेलाडीहरुलाई बधाई सहित सम्मान कार्यक्रमको आयोजना गरेको छ । शनिबार सदरमुकाम मार्तडीमा गौमुल गाउँपालिकाका अध्यक्ष हरि बहादुर रोकायाले खेलाडीहरुलाई बधाई सहित सम्मान गर्नुभएको हो ।

एक कार्यक्रमका बीच अध्यक्ष रोकाया सहित जनप्रतिनिधिहरुले खेलाडीलाई सम्मान गरेका हुन् । गौमुल गाउँपालिकाको शिर उचो बनाएको बताउँदै अध्यक्ष रोकायाले खेलाडीहरुलाई धन्यवाद व्यतm गर्नुभएको छ । गौमुल गाउँपालिकाले खेल क्षेत्रको विकासका लागि महत्वपूर्ण भूमिका खेल्दै आएकोले आगामी दिनमा थप जोड दिने खेलाडीहरुलाई वचन दिनुभएको छ ।