नेकपा (एमाले) गौमुल गाउँपालिकाले चुनावी शुभारम्भ आमभेला सुरु भएका छन् । आशन्न वैशाख ३० गते हुने स्थानीय तहको निर्वाचनलाई लक्षित गदैं एमाले गौमुलले पनि चुनावी आमभेला सञ्चालन गरेको छ ।  

नेकपा (एमाले) गौमुल गाउँपालिकाका विभिन्न वडामा सोमबार एकसाथ आमभेला कार्यक्रमको उद्घाटन गरिएको गौमुल गाउँ कमिटी अधयक्ष देव बहादुर रोकायाले बताएका छन् ।

गौमुल गाउँपालिकाका ६ वटै वडामा चुनाव केन्द्रीत आमभेला कार्यक्रमको आयोजना गरिएको हो । नेकपा (एमाले) गौमुल वडा कमिटीको आयोजनामा पालिका भित्रका सबै वडाहरुमा चुनाव केन्द्रीत भेलाको आयोजना गरेर चुनावी गतिविधी अगाडी बढाईएको गाउँ कमिटी उपाध्यक्ष गीता रोकायाले बताएकी छन् । 

 भेलामा गौमुल सरकारले पाँच वर्षको अवधिमा गरेका विकास निर्माण गतिविधी बारेमा समेत समिक्षा गरिएको छ । पाँच वर्षको अवधिमा स्थानीय तहमा नेकपा (एमाले) नेतृत्वको सरकारले गरेको विकास निर्माणका काम प्रति भेलामा उपस्थित जनताहरुले खुलैरै प्रसंशा गरेका छन् ।

एमाले ६ नम्बर वडा कमिटीले आयोजना गरेको चुनावी शुभारम्भ आमभेला कार्यक्रमा चुनाव केन्द्रीत छलफल, साक्षात्कार तथा चुनावी अभियानबारे समेत छलफल गरिएको छ । वडा कमिटी अध्यक्ष कमिटी अध्यक्ष कलक बहादुर चदाँराको अध्यक्षतामा सञ्चालन भएको आमभेला कार्यक्रमको प्रमुख अतिथि नेकपा (एमाले) जिल्ला कमिटी सचिवालय सदस्य तुलसीराम रोकाया रहनु भएको थियो ।

कार्यक्रममा नेकपा (एमाले) जिल्ला कमिटी सदस्य सीता थापा, एमाले गौमुल गाउँ कमिटी उपाध्यक्ष गीता रोकाया, गाउँ कमिटी सदस्य प्रकाश बहादुर रोकाया, कलक बहादुर रोकाया, वीरबहादुर रोकाया विशिष्ट अतिथि रहनुभएको थियो । भने एमालेका नेता चन्द्र बहादुर रोकाया, प्रेम बहादुर विक लगायतका नेता अतिथिमा रहनु भएको थियो ।

भेलामा नेता तथा कार्यकर्ताले आ–आफ्नो धारणा समेत राखेका थिए । भेलामा पाँच वर्षको अवधिमा भएको विकास निर्माणका गतिविधीका बारेमा र सुधार गर्नुपर्ने पक्षकका बारेमा केही समयसम्म अन्तरक्रिया समेत गरेको थियो ।

धारणा राख्ने सबै व्यक्तिहरुले सिंगो गौमुल गाउँपालिका र वडाहरुमा पाँच वर्षको अवधिमा विकासले निकै फड्को मारेको प्रष्ट पारेका छन् । गाउँमा स्वास्थ्य, खानेपानी, सडक, सिँचाई सुविधा, रोजगारमुलक कार्यक्रम, पर्यटन प्रवद्र्धन लगायतका थुप्रै विकास भएको बताएका छन् । नेकपा एमालेको सरकार अझैपनि विकास, निकास र जनताको सुःख दुःखको सारथी भएकाले एमालेलाई फेरि बहुमतका साथ जिताउने बताएका छन् ।

कार्यक्रममा सम्बोधन गर्दै एमाले जिल्ला कमिटी सचिवालय सदस्य तुलसीराम रोकायाले नेपाली काँग्रेस झुटको खेती गर्ने पार्टी भएको आरोप लगाएका छन् । चुनाव नजिकिएसँगै काँग्रेसीहरुले झुटो आश्वासन दिएर भ्रम फैलाईरहेकोले कार्यकर्तालाई भ्रममा नपर्न आग्रह गरेका छन् ।

त्यस्तै एमाले जिल्ला कमिटी सदस्य एवं गाउँपालिका उपाध्यक्ष सीता थापा २०७४ सालको चुनावमा जनताको माया ममताले उपाध्यक्षको पदमा विजयी गरेर सेवा दिन अवसर प्रदान गरेकोमा धन्यवाद दिएकी छन् । पाँच वर्षको अवधिमा गाउँपालिका भित्रका जनतालाई सेवा दिन पाउँदा आफु खुसी भएको बताएकी छन् । चुनाव केन्द्रीत भएर प्रतिपक्ष पार्टीका नेताहरुले विकासको विरोध गरेको प्रति आक्रोश व्यतm गरेकी छन् ।

आम भेलामा सम्बोधन गर्ने सबै नेताहरुले नेकपा (एमाले) लाई विजयी गर्न सबैले आ–आफ्नो तर्फबाट लाग्नुपर्ने बताएका छन् । केही दिनमै चुनावी गतिविधी लिएर जनताको एमाले गौमुल गाउँ कमिटी जाने भएको छ । 

६ वटै वडामा राखे पदको आकांक्षी, २ वडामा निर्विरोध टुङ्गो लाग्यो

नेकपा एमाले गौमुल गाउँपालिकाका ६ नम्बर वडा मध्ये केही वडामा उम्मेदवारको टुङ्गो लागेको छ । जस मध्ये १ नम्बर वडा अम्लिसमा उम्मेदवारको टुङ्गो लागेकोे छ । 

अध्यक्ष देव बहादुर रोकाया लगायत अन्य सदस्यहरु निर्विरोध रुपमा उम्मेवारहरुको टङ्गगो लागेको छ । त्यस्तै २ नम्बर वडामा देव बहादुर रोकायाकै नेतृत्वमा उम्मेदवारी घोषणा गरिएको छ । 

त्यस्तै वडा नं. ३,४,५ र ६ वडाको वडा अध्यक्षको उम्मेदवारीको टुङ्गो लाग्न बाकी रहेको वडा कमिटी जनाएको छ । केही दिनमै अन्य वडाको उम्मेदवारी टुङ्गगो लाग्ने एमाले गौमुलले जनाएको छ । 

उम्मेदवारको टुङ्गो लगाउन नेता तथा कार्यकर्ताको छलफल सक्रिय बनेका छन् । गौमुल गाउँपालिकामा फेरि एमालेकै सरकार कायम गर्ने गरी नेता तथा कार्यकर्ता छलफलमा व्यस्त देखिएका छन् ।