आइतबार ०९, मङि्सर २०८१ ०३:५०
आइतबार ०९, मङि्सर २०८१ ०३:५०
गाैमुल खबर
बाजुरा ः गौमुल गाउँपालिका–१ माडी गाउँमा आगलागीबाट एक घर जलेर पूर्ण रुपमा नष्ट भएको छ । गएराति करिव ९ बजेको समयमा घरमा एक्कासी आगलागी भएको हो । स्थानीय महेन्द्र रोकायाको घरमा अचानक आगलागी भएको वडा अध्यक्ष देवेन्द्र बहादुर रोकायाले बताएका छन् ।
घरको माथिल्लो तलाबाट खाना खाएर तल्लो तलामा सुत्न आएको बेला एकाएक आगलागी भएको बताईएको छ । आगलागीबाट घरमा रहेका अन्नपात, लत्ताकपडा, भाँडाकुडा लगायत जलेर पूर्ण रुपमा नष्ट भएको छ ।
आगलागीबाट कुनै मानवीय क्षति तथा पशु चौपायमा भने स्थानीयले तत्काल उद्दार गरेपछि क्षति हुनबाट बचेको छ । आगलागीको एकिन विवरणका लागि ईलाका प्रहरी कार्यालय गौमुल गाउँपालिकाबाट प्रहरीको टोली घटना स्थल गएको छ ।
प्रतिक्रिया